Ўзбекистон, коронавирус: Covid-19 ни юқтирганларнинг сони 720 дан ортди Koronavirus

Ўзбекистон Соғлиқни сақлаш вазирлиги 11 апрел соат 14:30 гача коронавирусни юқтирган фуқароларнинг сони 729 га етганини хабар қилди.

Вазирликка кўра, шу вақтгача мамлакат ичкарисида ҳалокатли вирус юқтирганларнинг 42 нафари соғайган, уч инсон ҳаётдан кўз юмган.

Бир кун олдин Наманган вилоятида соғайган тўрт бемор реабилитацияга олингани хабар қилинди.

Ўзбекистон Соғлиқни сақлаш вазирлиги коронавирусдан соғайган инсонларнинг қон зардобидан беморларни даволашда фойдаланишга қарор қилинганини хабар қилди.

"...соғайган фуқароларимизнинг қон зардоби касалликни бошидан кечираётган беморларимиз учун ниҳоятда бебаҳо бўлиб, уларнинг ушбу хасталикни енгил ўтказиши ва тезроқ тузалишлари учун замин бўлиб хизмат қилиши мумкин", дейилади ССВ тарқатган хабарда.

Дунё бўйича Covid-19ни юқтирганларнинг сони 1 миллион 700 мингдан ортди.

Ҳаётдан кўз юмганларнинг сони 103700 дан кўпайди.

Қарийб 390 минг одам коронавирусдан соғайгани хабар қилинди.

Касалликни энг кўп юқтирганларнинг сони АҚШда аниқланди: қарийб 506 минг киши.

Испанияда қариб 162 минг, Италияда 148 мингдан зиёд, Францияда қарийб 125 минг, Германияда 122 мингдан ортди.

АҚШ ва Британия бир кеча-кундузда коронавирусдан ўлганларнинг сони юқорилиги қайд этилган мамлакатлар бўлди.

АҚШда бир кунда 2000 дан ортиқ, Буюк Британияда 980 ўлим қайд этилди.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: @bbcuzbek