Россия-Ўзбекистон: Шаҳзода паранжи, дўппи ва маҳси билан Москвани “ишғол қилди”

21 сентябр 2018

Ўқилиш вақти: 1 дақ

Ҳаммаси пойтахт Москвада бўлиб ўтган бу йилги "Россия модаси" фестивалида юз берди.

Ўзбекистонлик актриса ва дизайнер Шаҳзода Муҳамедова ўзининг антиқа коллекцияси билан подиумни забт этди-қўйди.

У ўзининг либослар намойишини биласизми нимадан - паранжидан бошлаб берди.

Паранжидан кейин навбат дўппига келди, аммо ҳар бир либос намойишига маҳси "ҳамроҳлик" қилди.

Шаҳзоданинг коллекциясидаги ўзбеклар эркакча дўпписи эса, аёллар либослариники бўлган кўргазмада бош совринга сазовор бўлди.

Энг кўп ўқилган

End of Энг кўп ўқилган

У "Менинг дўппим" либослар жамланмаси учун ташкилотчиларнинг махсус дипломи ва "Подиум" статуэткаси билан тақдирланди.

"Россия модаси" фестивали Москвада 12 йилдан бери ўтказиб келинади.

"Shahzoda boutique atelye" ўз либослари билан бу фестивалда иккинчи бор қатнашиши.

Шаҳзода бу йилги коллекцияси билан Россия подиумларида "ўзбеклик"ни кўрсатишни мақсад қилганини айтади.

Москвадаги мухбиримиз Соҳиба Ҳаёт намойиш ортидан, дизайнернинг ўзи билан суҳбатлашишга муваффақ бўлган.

BBCUZBEK.COM билан Telegram орқали +44 7858860002 номери билан боғланинг.Telegram каналимиз: @bbcuzbek

Бош мақола