Мирзиёев-Трамп: Америка Ўзбекистон учун янги имкониятлар эшигини оча оладими?
Сурат манбаси, President.uz
Ўзбекистон янги президентининг, Оқ Уй наздида, Америка Қўшма Штатларига бошланажак "тарихий расмий ташрифи" арафасида ўртага чиқаётган саволлар ана шу бир жумлага жаъм бўлади.
Қозоғистондан таҳлилчи суҳбатдошимизнинг айтишича, "ҳа, худди шундай".
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Расмий ташриф шу йилнинг 15-17 май кунларига режаланган.
Бу - президент Шавкат Мирзиёевнинг Вашингтонга илк расмий ташрифи бўлади.
Эътиборли жиҳати шундаки, бу ташриф Мирзиёев расман қудратга келганидан бир ярим йил ўтмай шахсан АҚШ Президенти Дональд Трампнинг таклифи билан амалга ошмоқда.
Расмий хабарларга кўра, президент Мирзиёевнинг Америкага уч кунлик расмий ташрифи чоғида турли соҳалардаги ўзаро муносабатларни янада мустаҳкамлашга қаратилган ҳужжатлар тўпламини қабул қилишади.
Ташриф якунида эса, томонлар Ўзбекистон ва Америка Қўшма Штатлари ўртасида "стратегик шерикликнинг янги даври бошланиши"га оид қўшма баёнотни имзолашади.
Ўзбекистоннинг янги президенти сафар қилаётган АҚШ Номинал Ялпи Ички Маҳсулот ҳажми бўйича дунёнинг энг йирик иқтисодиёти бўлади.
Истеъмол қобилияти паритети бўйича эса, бу мамлакат жаҳонда иккинчи ўринни эгаллаб турган давлат саналади.
Устига устак, Халқаро Валюта Жамғармаси бўладими ва ёки Жаҳон Банки - дунёнинг энг йирик молиявий ташкилотлари ҳам айнан Америка Қўшма Штатларида жойлашган.
Шундай экан, айнан савдо-сотиқ, иқтисод ва янги сармоялар масаласида АҚШ Ўзбекистонга қандай янги имкониятлар эшигини оча олади?
Би-би-си Ўзбек Хизмати худди шундай савол билан Қозоғистондан етакчи иқтисодий таҳлилчи Сапарбой Жубаевга мурожаат қилди.
BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
