Ўзбекистоннинг сархил мевалари Дубайда

Twitter ижтимоий тармоғида тарқалган суратларда Бирлашган Араб Амирлигининг Дубай шаҳрида сотилаётган Ўзбекистон меваларини кўриш мумкин. Олдинроқ мамлакатдаги мева-сабзавотлар UzAgro товар бренди остида хорижга экспорт қилиниши айтилган эди.

Ўзбекистондан экспорт қилинган олма, шафтоли, олхўри ва бошқа мевалар Union Coop онлайн супермаркетининг Al Barsha савдо-кўнгилочар мажмуасидаги дўконида сотилаётгани айтилган.

Олдинроқ мамлакатдаги мевa-сaбзaвот ва озиқ-овқат маҳсулотлари ягонa UzAgro товaр бренди остидa хорижга чиқарилиши айтилган эди.

Мева-сабзавот маҳсулотларининг Мўғулистон ва Вьетнамга ҳам етказиб берилиши маълум қилинган эди.

Ўзбекистон янги Президенти Шавкат Мирзиёев ҳукуматга келгандан буён мева ва озиқ овқатлар экспортини кўпайтиришга ҳаракат қилаётганини кўриш мумкин.

Тадбиркорларга кенгроқ имкониятлар яратиш мақсадида экспорт ҳуқуқи монополиядан чиқарилди. Тадбиркорларнинг кўрган даромаддан 25 фоиз валютани давлатга маюжбурий сотиш талаблари бекор қилинди.

Натижада Ўзбекистонда шу кунларда қора бозорда доллар нархи тушаётгани айтилмоқда.