 | | | | | | | ||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||
|
Ўзбекистонга жазо чоралари янгиланди | |||||||||||||||||||||||||||||||||||||||||||||||||||||||||||||||||||||||||
Андижондаги қонли воқеаларга роппа-роса бир ярим йил тўлган кунда Брюсселда учрашган Оврўпо Иттифоқининг ташқи ишлар вазирлари Ўзбекистонга нисбатан қурол-яроғ сотиш тақиқи 12 нафар ўзбек расмийсига Оврўпо Иттифоқи давлатларига киришга виза бериш олти ойга маън этилган. Ушбу расмийлар рўйхатига Ўзбекистоннинг собиқ ички ишлар вазири Зокиржон Алматов, собиқ мудофаа вазири Қодир Ғуломов ва Андижон вилоятининг собиқ ҳокими Сайдулло Бегалиевлар киритилган бўлиб, ушбу амалдорлар жазо чораларини қайта кўриб чиқиш вақтига келиб ўз лавозимларидан бўшатилганлар, Брюсселда бўлган Би-би-си мухбирига Оврўпо Иттифоқи мулозимлари маълум қилишларича, расмийлар рўйхати ҳали янгиланмаган. Оврўпо Иттифоқи ташқи ишлар вазирлари Ўзбекистондаги инсон ҳуқуқлари вазиятидан ўта хавотирда эканларини изҳор этганлар. Оврўпо Иттифоқи расмий Тошкентни ўз зиммасига олган инсон ҳуқуқлари ва эркинликларига доир халқаро мажбуриятларини бажаришга чақирган. Инсон ҳуқуқлари ҳимоячилари, Британия раҳбарияти, Халқаро Инқироз гуруҳи ва Хюман Райтс Уотч ташкилотлари Ўзбекистонга нисбатан санкцияларни ўз кучида қолдиришга чақиргандилар. Шу билан бирга инсон ҳуқуқлари фаоллари Ўзбекистон Президенти Ислом Каримовнинг Оврўпо Иттифоқи давлатлари ҳудудига киришини тақиқлаш, айрим ўзбек мулозимларининг банкдаги ҳисоб-китобларини музлатишга чақиргандилар. Ўтган ҳафтада Ташқи ишлар вазири Владимир Норов раҳбарлигидаги Ўзбекистон ҳайъати Оврўпо Итттифоқи расмийлари билан музокаралар ўтказди. Иттифоқ мулозимлари ҳамон Андижон ҳодисалари юзасидан халқаро текширув талабларида собитлигини айтадилар. Бироқ Ташқи ишлар вазири Владимир Норов 2005 йил майидаги хунрезлик юзасидан халқаро тергов ўтказилишини рад этган, бироқ Тошкентда инсон ҳуқуқлари вазиятини муҳокама этиш учун экспертлари учрашувини уюштиришни таклиф этган. Оврўпо Иттифоқи Ўзбекистонга нисбатан жазо чораларини ҳар уч ойда кўриб чиқишини билдирган. | ИЧКИ САҲИФАЛАР  Нега ОИ Ўзбекистонга жазо чоралари қўллаган эди? 13 Ноябр, 2006 | Bosh Sahifa Чарлз Таннак: 'Андижонда аслида нима бўлганини яшириш Ўзбекистон ҳукумати фойдасига эмас'13 Ноябр, 2006 | Bosh Sahifa Андрю Штролайн: 'бу Иттифоқнинг Тошкентнинг ҳар бир сўзини қабул қилиб ўтирмаслиги ишорасидир'13 Ноябр, 2006 | Bosh Sahifa | |||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||
