Ливерпул мухлисларининг голларни нишонлаши зилзилага сабаб бўлдими?

    • Author, Женни Коулман
  • Ўқилиш вақти: 2 дақ

Ливерпул мухлислари клубнинг "Тоттенҳэм"га қарши Энфилддаги тарихий ғалабасини нишонлашлари бир қатор силкинишларга сабаб бўлганини университет олимлари аниқлашди.

Арне Слотнинг жамоаси 27 апрелда тўла Энфилд стадионида "Тоттенҳэм" ни 5-1 ҳисобида мағлуб этиб, клубнинг юқори лигада 20 - чемпионлигини қўлга киритди.

Энг катта силкиниш Алексис Мак Аллистернинг 24-дақиқадаги зарбаси билан келиб чиққан бўлиб, Ливерпулни 2-1 ҳисобида олдинга олиб чиқди ва Рихтер шкаласи бўйича 1.74 баллга етди.

Маълумотлар Ливерпул университети ер олимлари томонидан зилзилаларни аниқлаш учун ишлатиладиган ускуналар ёрдамида қайд этилган.

Тадқиқот университетнинг Ер, Океан ва Атроф-муҳит фанлари бўлимидаги доктор Антуан Септиер, доктор Фарназ Камранзад ва профессор Бен Эдвардс томонидан клуб билан ҳамкорликда ўтказилган.

"Табиий сейсмик ҳодисалар каби, бу голлар Ливерпул мухлисларининг шиддатли ҳиссиёти билан келиб чиққан ер силкинишларини келтириб чиқарди", деди профессор Бен Эдвардс.

"Уларнинг шижоати ерни ҳаракатлантириш учун етарли даражада кучли эди."

Маълумотлар 60,415 кишидан иборат томошабинлар жамоаси ҳақиқий сейсмик фаолликни келтириб чиқарганини, айниқса ўйин давомида киритилган голларга жавобан кўрсатди.

Skip Энг кўп ўқилган and continue reading
Энг кўп ўқилган

End of Энг кўп ўқилган

Иккинчи энг катта силкиниш 1.60 баллни ташкил этди ва иккинчи бўлимда Коп олдида киритилган Мо Салаҳнинг голидан кейин келиб чиққан.

Коди Гакпонинг ҳаракати 1.03 баллни, Дестини Удоги томонидан киритилган автогол 1.35 баллни ва Луис Диаснинг аввал бекор қилинган тенглаштирувчи голи 0.64 баллни ташкил этди. Доктор Фарназ Камранзад силкинишлар кичик бўлиб, трибуналарда сезилмаслигига қарамай, Энфилдда "аниқ ва узоқ муддатли из қолдириш учун етарли даражада кучли" бўлганини айтди.

"Ҳар бир қувонч, ҳар бир байрам, ер остида из қолдиради, финал ҳуштагидан кейин ер хотирасига ёзилган жамоавий қувончнинг сейсмик изи", деди у.

Доктор Антуан Септиер ушбу тажриба янги авлод сейсмологларини илҳомлантиришини умид қилди. "Ушбу маълумотларни кўрсатиш стадион тажрибасини яхшилаш учун инновацион ғояларни илҳомлантиришини умид қиламан", деди у.