You’re viewing a text-only version of this website that uses less data. View the main version of the website including all images and videos.
Ўзбекистон давлат ва жамоат арбоби Исмоил Жўрабеков вафот этди
Ўзбекистон Сув хўжалиги вазирининг маслаҳатчиси, давлат ва жамоат арбоби Исмоил Жўрабеков 94 ёшида вафот этди.
Бу ҳақда вазирлик матбуот хизмати хабар қилди.
1931 йили Самарқанд шаҳрида туғилган Исмоил Жўрабеков 1970 йиллардан Ўзбекистон мелиорация ва сув хўжалиги вазирлигини, сўнг ҳукуматини бошқарган.
Ўзбекистон мустақилликка эришганидан кейин Бош вазирнинг биринчи ўринбосари, Президент Ислом Каримовнинг маслаҳатчиси лавозимларида фаолият юритган.
2004 йил нафақага чиқарилган.
Шавкат Мирзиёев ҳокимиятга келганидан кейин кўплаб кекса сиёсатчилар қатори Исмоил Жўрабековга ҳам иш таклиф қилинди.
У 2021 йилдан буён Ўзбекистон Сув хўжалиги вазирининг маслатаҳчиси лавозимида ишлаб келаётган эди.
2023 йили Ўзбекистондаги "Favvora TV" Исмоил Жўрабеков ҳақида ҳужжатли филм эълон қилган эди.
