Air ùrachadh: 11 An Dàmhair 2022
Faodaidh tu ceadan leithid beachdachadh agus luchdachadh suas a stèidheachadh nuair a chlàras tu an toiseach airson cunntas chloinne ùr. Lean na ceumannan.
Ma tha thu airson rian a chumail air na ceadan aig àm eile, tha seo nas fhasa a dhèanamh ma tha cunntas BBC aig an dithis agaibh. San dòigh seo, faodaidh tu do chunntas fhèin a cheangal ri cunntas do phàiste agus ceadan a stèidheachadh an sin aig àm sam bith. Mura bheil cunntas BBC agad fhèin faodaidh tu clàradh airson fear. Tha e luath is furasta seo a dhèanamh.
Chan fheum thu cunntas BBC airson rian a chumail air ceadan. Nuair a dh'fheuchas do phàiste ri rudeigin ùr a dhèanamh air a' BhBC, leithid beachdachadh air làraich-lìn chloinne, iarraidh sinn orra cead fhaighinn bhuat fhèin. Gheibh thu post-d, no faodaidh tu rian a chumail air na ceadan aca an seo.
Mar a bheir thu ceadan a bharrachd seachad air profaidhl pàiste air iPlayer
Ma dh'fhaoidhte gun do chur thu air dòigh profaidhl do phàiste le cead airson iPlayer a chleachdadh. Tha seo eadar-dhealaichte bho cunntas chloinne BBC. Leis gur ann le iPlayer a-mhàin a bhios seo ag obrachadh, cha bhi e comasach dhaibh goireasan air pàirtean eile dhen BhBC a chleachdadh, leithid a' cur a-steach airson farpaisean no a' beachdachadh.
Airson seo a cheadachadh, faodaidh tu cunntas chloinne BBC a chruthachadh airson na ceadan a stèidheachadh.
Seo mar a chruthaicheas tu cunntas chloinne air làrach-lìn BBC nuair a tha do phàiste air logadh a-steach mar-thà dhan phrofaidhl aca:
1. Atharraich bho phrofaidhl do phàiste chun chunntas agad fhèin
2. Log a-mach às a' chunntas agad fhèin
3. Rach gu log a-steach a-rithist
4. Clàraich airson cunntas ùr airson neach fo aois 13. Thèid iarraidh ort na ceadan aca a stèidheachadh sa phròiseas seo.
Mar a nì thu neo-cheangal eadar chunntasan
Feumaidh do phàiste seo iarraidh (chan urrainn dhutsa). Ma nì iad sin, gheibh am pàrant no neach-cùraim post-d ag innse dè tha air tachairt.
Mar a nithear neo-cheangal mar phàiste:
- Rach gu "Seataidhean" sa chunntas BBC agad
- Brùth air "Ceadan chloinne"
- Brùth air "Neo-cheangail".
An uair sin thèid neo-cheangal a dhèanamh air na cunntasan.
Cuimhnich
Ma nì am pàiste neo-cheangal eadar chunntasan, caillidh iad ceadan sam bith a chaidh a stèidheachadh roimhe. Leithid, ma tha pàrant no neach-cùraim air cead a thoirt dhan phàiste aca beachdachadh air làrach-lìn chloinne, bhiodh neo-cheangalachadh a' ciallachadh nach b' urrainn dhaibh beachdachadh tuilleadh.
