’مہنگائی میں شراب تو مہنگی نہ کرو‘
،تصویر کا ذریعہBBC World Service
روس کے صدر ولادیمیر پوتن نے ملک میں بدترین اقتصادی بحران کے باوجود شراب کی قیمتوں پر قابو رکھنے کا حکم جاری کیا ہے۔
اقتصادی حالات سے پریشانی ولادیمیر پوتن نے کہا ہے کہ بڑھتی ہوئی شراب کی قیمتیں غیر قانونی اور غیر محفوظ کھپت کی حوصلہ افزائی کرتی ہے۔
واضح رہے کہ گذشتہ کچھ ماہ سے روس کی کرنسی، روبل کی قدر دِن بدن تیل کی گرتی ہوی قیمتوں اور مغربی پابندیوں کے ساتھ کم ہو رہی ہے۔
روس کے سابق وزیر خزانہ نے خبردار کیا ہے کہ ملک اگلے سال کساد بازاری میں داخل ہو جائے گا۔
ولادیمیر پوتن نے مشہور شراب ووڈکا سے منسلک ایجنسیوں سے ان کی بات پر غور کرنے کو کہا اور یہ بھی کہا ہے کہ حکومت کو شراب کی غیر قانونی اسمگلنگ کے خلاف لڑنا چاہیے۔
گذشتہ سال ایک معروف یونیورسٹی کی رپورٹ کے مطابق 25 فیصد روسی مرد 50 اور 55 سال کی عمر سے پہلے مر جاتے ہیں۔
شراب کو ان جلد اموات کا ایک سبب پایا گیا ہے۔
گزشتہ سال کے بعد حکومت نے آدھے لیٹر شراب پر زیادہ سے زیادہ قیمت میں 30 فیصد کا اضافہ کیا۔
End of سب سے زیادہ پڑھی جانے والی
ملک میں صرف شراب کی قیمتوں میں اضافہ نہیں ہوا بلکہ روس میں سالانہ افراط زر کی شرح ان دنوں 9.4 تک پہنچ چکی ہے۔
