عدم اعتماد کا ووٹ، اراکین کے لیے بحری جہاز
،تصویر کا ذریعہGood Morning Libya
لیبیا کی حکومت نے بظاہر لگتا ہے کہ اپنے ممبرانِ پارلیمان کے لیے ایک بحری جہاز کرائے پر لیا ہے۔
اس بحری جہاز کے کرائے پر لینے کا مقصد عبوری حکومت کے خلاف عدم اعتماد کے ووٹ سے پہلے ممبرانِ پارلیمان کو ٹھہرانے کے لیے ایک ’تیرتے ہوئے ہوٹل‘ کا کام لینا ہے۔
اس بحری جہاز کو حال ہی میں تبروک کی بندرگاہ کے قریب دیکھا گیا تھا، مگر لیبیا ہیرلڈ اخبار کے مطابق سیاست دانوں نے اس میں منتقل ہونے سے انکار کر دیا ہے۔
تاہم دوسری اطلاعات کے مطابق بحری جہاز میں صحافیوں اور دوسرے مہمانوں کو عدم اعتماد کی کارروائی کے دوران ٹھہرایا جائے گا۔
لیبیا کی پارلیمانی سیٹلمنٹ کمیٹی کے سربراہ فراج نجم نے کہا کہ ’یہ تیرتا ہوا ہوٹل ایک خصوصی بحری جہاز ہے جس میں پارلیمانی معاونین اور صحافیوں کو ٹھہرایا جائے گا۔‘
انھوں نے یہ بھی کہا کہ ’نائبین تبروک کے دارالسلام ہوٹل میں ٹھہریں گے نہ کہ بحری جہاز پر۔ اور اس بحری جہاز کو کرائے پر لینے کی وجہ یہ تھی کہ بن غازی میں سب کے لیے ہوٹلوں کی سہولت دستیاب نہیں ہے۔‘
لیبیا کی عبوری حکومت مئی میں بنائی گئی تھی۔
،تصویر کا ذریعہGood Morning Libya twitter
ملک کے سابق حکمران کرنل معمر قذافی کے اکتوبر 2011 میں اقتدار کے خاتمے کے بعد سے ملک میں سیاسی عدم استحکام کا دور دورہ ہے۔
End of سب سے زیادہ پڑھی جانے والی
لیبیا تشدد کی بڑھتی ہوئی لہر کی لپیٹ میں ہے جس کے دوران کئی مسلح گروہ ایک دوسرے پر بالادستی حاصل کرنے کے لیے آپس میں برسرِ پیکار ہیں۔
