سانپ اور چھپکلیاں کپڑوں میں چھپا کر امریکہ میں داخل ہونے والا شخص گرفتار
،تصویر کا ذریعہCBP
امریکہ میں سرحدی نگرانی کرنے والے اہلکاروں نے ایک ایسے شخص کو گرفتار کیا ہے جس نے اپنے کپڑوں میں درجنوں سانپ اور سینگ والی چھپکلیاں چھپا رکی تھیں۔
مذکورہ شخص گذشتہ ماہ میکسیکو سے امریکہ میں داخل ہوا تھا۔ یہ واقعہ 25 فروری کو مقامی وقت کے مطابق تین بجے سان تیاگو کے قریب سان سدرو نامی کراسنگ پوائنٹ پر پیش آیا۔
وہ شخص پک اپ ٹرک چلا رہا تھا جب اسے پوچھ کچھ کے لیے باہر نکالا گیا۔
سرحد پر پیٹرولنگ ایجنٹ کے مطابق وہاں موجود افسران نے 43 سینگ والی چھپکلیاں اور نو سانپ پلاسٹک کے ان تھیلوں سے برآمد کیے جو اس شخص نے اپنی جیکٹ اور پینٹ کی جیبوں میں اور پیٹ کے نچلے حصے میں چھپا رکھے تھے۔
یہ مشتبہ شخص 30 سالہ امریکی شہری ہے جسے جنگلی حیات کی غیر قانونی سمگلنگ کرنے کے شبہے میں گرفتار کر لیا گیا ہے۔
مزید پڑھیے
End of سب سے زیادہ پڑھی جانے والی
ایک اعلیٰ اہلکار نے کہا کہ ’سمگلر ہر ممکن کوشش کرتے ہیں اور ہر طریقہ اختیار کرتے ہیں تاکہ وہ اشیا یا اس کیس میں زندہ رینگنے والے جانوروں کو سرحد کے دوسری جانب لے جا سکیں۔‘
ان کا کہنا تھا کہ ’سمگلر نے جانوروں کی صحت اور حفاظت کو نظر انداز کرتے ہوئے ان جانوروں کو امریکہ لا کر افسران کو دھوکہ دیا۔‘
