یوکرین میں پیسوں کی وصولی کے لیے حکام کی جانب سے قرض داروں کےانڈرویئرز کی نیلامی
،تصویر کا ذریعہSetam
یوکرین میں قرض نادہندگان کے خلاف چھاپوں میں ضبط کیے گئے انڈرویئرز کو نیلامی کے لیے پیش کیا گیا ہے۔
یہ انڈرویئرز یا زیر جامہ یوکرین کے مرکزی شہر کریوی ریح میں ضبط کیے گئے اور وزارت انصاف کی ویب سائٹ پر ان کی نیلامی کا اشتہار دیا گیا ہا۔ جس کے ایک جوڑے کی قیمت 19.4 ہریونیا یعنی 0.70 ڈالر سے شروع ہوتی ہے۔
واضح رہے کہ کورونا وائرس کی وبا کے باعث یوکرین میں رجسٹر قرضہ داروں کی تعداد 20 لاکھ سے زیادہ ہو گئی ہے۔
بی بی سی یوکرین کو دستیاب سرکاری اعدادوشمار کے مطابق گذشتہ برس یوکرین میں قرضہ لینے والوں کی تعداد میں 3 لاکھ افراد کا اضافہ ہوا ہے۔
یہ بھی پڑھیے
End of سب سے زیادہ پڑھی جانے والی
واضح رہے کہ گذشتہ برس قرض نادہندگان سے ضبط کیے گئے پالتو کتوں کی نیلامی پر یوکرین کے سوشل میڈیا پر کافی غصہ پایا گیا تھا۔
،تصویر کا ذریعہSetam
اقتصادی تعاون اور ترقی کی تنظیم او ای سی ڈی نے دسمبر میں اپنی ایک رپورٹ میں کہا تھا کہ کورونا وائرس کی وبا کی وجہ سے یوکرین کو کئی دہائیوں میں بدترین اقتصادی بحران کا سامنا ہو سکتا ہے جس سے ملک کی کل 41 کروڑ آبادی میں سے 9 کروڑ افراد غربت کا شکار ہو سکتے ہیں۔
اقوام متحدہ کی تحقیق کے مطابق وبا کے آغاز سے یوکرین میں 40 فیصد سے زیادہ خاندانوں میں کم از کم ایک شخص بیروگار ہوا ہے۔
یورکین میں قرض داروں کی جائیداد نیلام کرنے کا آن لائن سسٹم 2015 میں لانچ کیا گیا تھا اور وزارت انصاف کا کہنا ہے کہ اب تک تقریباً 50 کروڑ ڈالر سے زیادہ ملکیت کی پراپرٹی فروخت کی جا چکی ہے۔
وزارت کے مطابق کسٹم حکام کی جانب سے ضبط کی گئی پراپرٹی کو یتیم خانوں، ہسپتالوں اور سکولوں کے چندے کے لیے بھی استمال کیا جاتا ہے۔
