آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
انگلینڈ: ایئر فریشنر کے ’زیادہ استعمال‘ کے بعد سگریٹ جلانے سے کار میں دھماکہ
انگلینڈ کے شہر ویسٹ یارک شائر میں ایک کار میں اس وقت دھماکہ ہوا جب ڈرائیور نے ایئر فریشنر کے بعد گاڑی میں سگریٹ جلائی۔
فائر فائٹرز کے مطابق ڈرائیور نے سگریٹ جلانے سے قبل گاڑی میں ایروسول (چھوٹے چھوٹے ذرات کا گیس کی صورت میں پھیلنا) خوشبو کی ’ضرورت سے زیادہ‘ مقدار کا استعمال کیا تھا۔
سپرے سے آگ بھڑک اٹھی جس سے گاڑی کی وِنڈ سکرین، کھڑکیاں اور دروازے تباہ ہو گئے جبکہ اندر موجود شخص معمولی زخمی ہوا۔
پولیس نے لوگوں کو حفاظتی مشوروں پر عمل کرنے کی ہدایت کرتے ہوئے کہا کہ ہیلی فیکس میں سنیچر کے روز پیش آنے والا یہ واقعہ ’اس سے بھی بدتر ہو سکتا تھا۔‘
یہ بھی پڑھیے
یہ دھماکہ اس قدر شدید تھا کہ اس سے قریبی دکانوں کی کھڑکیوں کو بھی نقصان پہنچا۔
کار سوار سنیچر کو دن تین بجے شہر کی فاؤنٹین سٹریٹ میں ٹریفک میں موجود تھا جب یہ واقعہ پیش آیا۔
End of سب سے زیادہ پڑھی جانے والی
پولیس اور فائر سروس کی جانب سے اس واقعے کی تحقیقات کے دوران سڑک کو بند رکھا گیا۔
ویسٹ یارک شائر فائر اینڈ ریسکیو سروس کے مطابق یہ ’ڈرامائی‘ واقعہ ’حد سے زیادہ‘ ایئر فریشنر کے استعمال کی وجہ سے پیش آیا ہے۔
