آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
راہباؤں کا جوا کھیلنے کے لیے پانچ لاکھ ڈالر چرانے کا اعتراف
امریکی ریاست کیلیفورنیا کے ایک کیتھولک سکول کی دو راہباؤں نے قبول کیا ہے کہ انہوں نے پانچ لاکھ ڈالر غبن کیے جس میں تین لاکھ چھیانوے ہزار انہوں نے لاس ویگس میں جوئے پر خرچ کر دیے۔
سسٹر میری کروپر اور لینا چینگ نے ٹورینس شہر کے سینٹ جیمز کیتھولک سکول سے یہ رقم جوآ کھیلنے اور گھومنے پھرنے کے لیے چرائی تھی۔
دونوں خواتین پکی سہیلیاں بھی ہیں۔
کچھ عرصہ پہلے ہی دونوں ریٹائر ہوئی تھیں۔ دونوں نے اپنی اس حرکت پر ندامت کا اظہار کیا ہے۔
راہبہ میری کوپر نے سینٹ جیمس سکول میں 29سال تک بطور پرنسپل کام کیا۔ جبکہ لینا چینگ بیس برس تک اس سکول کی ٹیچر رہیں۔
اندازوں کے مطابق انہوں نے یہ رقم گذشتہ ایک دہائی میں چرائی۔
سکول کے منتظمین نے بتایا کہ پولیس کو اس بارے میں مطلع کر دیا گیا ہے لیکن دونوں راہباؤں کے خلاف فرد جرم نہیں عائد کی جائے گی کیوں کہ دونوں اپنے کیے پر بہت شرمندہ ہیں۔
سکول کی ویب سائٹ پر شائع بیان میں بتایا گیا ہے کہ دونوں سسٹر معاملے کی جانچ میں پورا ساتھ دے رہی ہیں اور انہوں فنڈ کے خرد برد کا الزام قبول بھی کیا ہے۔
End of سب سے زیادہ پڑھی جانے والی
سکول میں پڑھنے والے بچوں اور ان کے خاندانوں سے ویب سائٹ پر معافی بھی مانگی گئی ہے۔
فنڈ کی خرد برد کے بارے میں ایک دستورالعمل آڈٹ کے دوران پتہ چلا۔ جانچ میں یہ بھی پتہ چلا کہ سکول کی فیس کے لیے دیے جانے والے متعدد چیک دونوں راہباؤں نے اس عرصے میں ایک ایسے اکاؤنٹ میں جمع کیے جس کا سکول سے کوئی تعلق نہیں تھا۔
سکول میں پڑھنے والے بچوں کے والدین کو اس معاملے کے بارے میں اسی مہنے پتہ چلا۔
