آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
’سٹیون پیڈک جواری اور سابق اکاؤنٹینٹ تھا‘
امریکی ریاست لاس ویگس میں ایک کنسرٹ پر حملہ کرنے والا 64 سالہ مبینہ مسلح شخص سٹیون پیڈک ایک مالدار سابق اکاؤنٹینٹ تھا جو ریٹائرمنٹ کے بعد ویران جگہ پر رہائش پذیر تھا۔
حکام کے مطابق 64 سالہ سٹیون پیڈک کے پاس پائلٹ اور شکار کرنے کے لائسنس تھا تاہم اس کے خلاف کوئی مجرمانہ ریکارڈ نہیں تھا۔
سٹیون پیڈک کے ایک پرانے پڑوسی نے بتایا کہ وہ پیشہ ورانہ جواری اور ایک بڑا 'عجیب' قسم کا شخص تھا۔
ایک امریکی اہلکار نے خبر رساں ایجنسی روئٹرز کو بتایا کہ اس بات پر یقین کرنے کا امکان ہے کہ سٹیون پیڈک نفسیاتی مسائل کا شکار ہے۔
End of سب سے زیادہ پڑھی جانے والی
لاس ویگس کنسرٹ پر فائرنگ کا واقعہ جدید امریکی تاریخ کا سب سے مہلک ترین واقعہ ہے۔
خیال رہے کہ گذشتہ برس جون میں فلوریڈا کے ایک نائٹ کلب میں ہونے والی فائرنگ کے نتیجے میں 49 سے زیادہ افراد ہلاک ہو گئے تھے۔
حکام کا کہنا ہے کہ سٹیون پیڈک نے مینڈیلے بے ہوٹل اور کسینو سے باہر منعقد ہونے والے میوزک فیسٹیول میں شریک افراد پر اتوار کی رات فائرنگ کر کے کم سے کم 58 افراد کو ہلاک اور 500 سے زیادہ افراد کو زخمی کر دیا تھا۔
امریکی میڈیا کے مطابق مینڈیلے بے ہوٹل کی 32 ویں منزل جہاں سٹیون پیڈک نے جمعرات کی رات چیک ان کیا تھا سے 19 رائفلوں سمیت سینکٹروں گولیاں برآمد ہوئی ہیں۔
سٹیون پیڈک کے بھائی ایرک پیڈک نے صحافیوں کو بتایا کہ ان کے والد بینک ڈکیتیوں میں ملوث رہے تھے اور ایف بی آئی کی سب سے زیادہ مطلوب فہرست میں تھے اور ایک بار جیل سے بھاگ گئے تھے۔
قانون نافذ کرنے والے ادارے کی جانب سے سنہ 1969 میں جاری ہونے والے ایک پوسٹر کے مطابق پیٹرک پیڈک کو 'دماغی مریض' قرار دیا گیا تھا۔
ایرک پیڈک نے آر لینڈو میں واقع اپنےگھر سے باہر صحافیوں کو بتایا کہ ان کا خاندان اس واقعے میں ان کے بھائی سٹیفن پیڈک کے مبینہ طور پر ملوث ہونے کے بعد سکتے میں ہے۔
انھوں نے کہا 'اس کی کوئی وجہ نہیں، کوئی وجہ نہیں کہ اس نے یہ سب کیا ہے۔'
ایرک نے کہا 'وہ ایک ایسا شخص تھا جس نے ویڈیو پوکر بجایا اور کشتیوں میں گھوما۔'
انھوں نے صحافیوں کو بتایا 'میرے بھائی کو بندوقوں کا شوق نہیں تھا، نہ ہی ان کا فوج سے کوئی تعلق تھا۔‘
این بی سی نیوز کے مطابق سٹیون نے حال ہی میں جوئے کی دسیوں ہزاروں ڈالرز کی متعدد ٹرانزیکشن کیں لیکن یہ واضح نہیں تھا کہ یہ شرطیں جیتے تھے یا ہارے تھے۔
سٹیون کے دوسرے بھائی بروس پیڈک نے این بی سی کو بتایا کہ ان کا بھائی ملٹی ملین پراپرٹی سرمایہ کار تھا۔
پولیس کے ترجمان کے مطابق سٹیون پیڈک کا گھر اچھا اور صاف ہے۔ ریکارڈ کے مطابق، وہ اپنی 62 سالہ خاتون دوست ماریلؤ ڈینیللے کے ساتھ رہتا تھا لیکن جب پولیس نے ان کی دوست کے بارے میں معلوم کیا تو انھیں پتہ چلا کہ وہ امریکہ سے باہر ہیں۔
سٹیون کے سابق پڑوسی، ڈائن میکک نے واشنگٹن پوسٹ کو بتایا کہ وہ اور اس کی خاتون دوست ہمیشہ گھر میں بند رہتے تھے۔
