آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ہیمبرگ کی سپر ماریکٹ میں حملہ کرنے والے شخص ’اسلام پسند‘ تھا
جرمنی میں حکام کا کہنا ہے کہ ہیمبرگ میں چاقو کی مدد سے ایک شخص کو ہلاک اور چھ کو زخمی کرنے والا حملہ آور' اسلام پسند تھا۔'
جرمنی کے شہر ہیمبرگ کے وزیر داخلہ اینڈی گروٹے کا کہنا ہے کہ حملہ آور اسلام پسند تھا تاہم جہادی خیالات نہیں رکھتا تھا۔
انھوں نے بتایا کہ حملہ آور کو دماغ کے خلل کا عارضہ بھی لاحق تھا۔
حکام کا کہنا ہے کہ جمعے کو سپر مارکیٹ میں حملہ کرنے والا شخص متحدہ عرب امارات میں پیدا ہوا تھا اور اس نے جرمنی میں پناہ کی درخواست دی تھی جسے مسترد کر دیا گیا تاہم شناختی دستاویزات نہ ہونے کی بنا پر ملک بدر نہیں کیا گیا تھا۔
پولیس کا کہنا ہے کہ حملہ آور کا تعلق کسی گروہ سے نہیں تھا اور ایک راہگیر نے حملہ آور کو دبوچ لیا تھا۔
End of سب سے زیادہ پڑھی جانے والی
وزیر داخلہ اینڈی گروٹےکا کہنا ہے کہ چھبیس سالہ حملہ آور کی شناخت احمد کے نام سے ہوئی ہے اور یہ متحدہ عرب امارات میں پیدا ہونے والی فلسطینی نژاد تھا اور کا نام اسلام پسندوں کی فہرست میں شامل تھا۔
ابھی تک حملے کے محرکات کے بارے میں معلوم نہیں ہو سکا تاہم پولیس نے ہیمبرگ میں پناہ گیزینوں کے اس مرکز کی تلاشی لی ہے جہاں حملہ آور رہائش پذیر تھا۔
پولیس کا کہنا ہے کہ تلاشی کے دوران شواہد نہیں ملے کہ اس کا تعلق کسی شدت پسندی تنظیم سے تھا۔
جمعے کو ہیمبرگ کے شمالی علاقے میں واقع سپر مارکیٹ میں حملہ آور داخل ہوا اور وہاں شیلف میں پڑا چاقو اٹھا کر اچانک پچاس سالہ شخص کو زخمی کر دیا جس کی بعد میں موت واقع ہو گئی۔
اس کے بعد حملہ آور دیگر دو افراد کو زخمی کرنے کے بعد سپر مارکیٹ سے نکل گیا۔
اس کے بعد ایک پچاس سالہ خاتون اور دو مردوں کو زخمی کیا جبکہ اس کو دبوچنے کی کوشش میں ایک 35 سالہ شخص بھی زخمی ہوا۔
اس شخص نے کرسی کو حفاظتی ڈھال کے طور پر استعمال کرتے ہوئے حملہ آور کو روکا اور بعد میں دبوچ لیا۔
خیال رہے کہ جرمنی میں حالیہ مہینوں میں متعدد شدت پسند حملوں ہو چکے ہیں۔
