آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
دنیا کا بدصورت ترین کتا
امریکی ریاست کیلیفورنیا میں اس برس دنیا کے بد صورت ترین کتے کا خطاب 'مارتھا' نے جیت لیا ہے۔
رواں برس سب سے بدصورت کتوں کا مقابلہ امریکی ریاست کلیفورنیا کے شہر پٹالوما میں منعقد ہوا۔ اس طرح کا سالانہ مقابلہ گذشتہ کئی برسوں سے منعقد کیا جاتا رہا ہے اور رواں برس 29واں مقابلہ تھا۔
مارتھا کی مالک شرلی زنڈلر ہیں جن کے کتے نے اس مقابلے کے دیگر 13 کتوں کو مات دی۔ انھیں اس کے لیے ایک ٹرافی اور 1500 ڈالر دیے گئے۔
اس مقابلے کا اہتمام کرنے والوں کا کہنا ہے کہ مارتھا کو اب نیو یارک لایا جائے گا جہاں اسے میڈیا کے سامنے پیش کیا جائے گا۔
زنڈلر کا کہنا تھا کہ مارتھا کو جو تقریباً اندھی ہونے کے قریب تھی۔
مارتھا کے کئی آپریشن ہوئے اور اب وہ دیکھ سکتی ہے۔
اطلاعات کے مطابق مارتھا نے دوسرے کتوں کے مقابلے میں یہ بازی فوراً ہی مار لی۔
اس مقابلے کا اہتمام کرنے والی تنظیم کی ویب سائٹ پر ایک بیان میں کہا گیا ہے کہ اس کا مقصد کتوں کو بغیر ان کی شکل و صورت کے گود لینے کے لیے لوگوں میں بیداری پیدا کرنا ہے۔
End of سب سے زیادہ پڑھی جانے والی
