آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ہمیں ٹرمپ کے مشوروں کی ضرورت نہیں: فرانسیسی صدر
فرانسیسی صدر فرانسوا اولاند نے جرمنی کی فراخ دلانہ پالیسی پر نومنتخب امریکی صدر ڈونلڈ ٹرمپ کی کڑی نکتہ چینی کو رد کر دیا ہے۔
انھوں نے کہا: 'یورپ کو کیا کرنا چاہیے اور کیا نہیں، اس کے لیے اسے کسی بیرونی مشورے کی ضرورت نہیں ہے۔'
ٹرمپ نے جرمن چانسلر انگلیلا میرکل کے بارے میں کہا تھا کہ انھوں نے بڑے پیمانے پر نقل مکانی کی اجازت دے کر 'تباہ کن غلطی' کی ہے۔
اولاند نے امریکی ٹیلی ویژن سی این این کو انٹرویو دیتے ہوئے کہا: 'میرے خیال سے کسی امریکی نومنتخب صدر کا دوسرے ملکوں کی سیاست میں اس طرح کھلم کھلا دخل دینا نامناسب ہے۔
میرکل نے اس کے جواب میں کہا تھا کہ 'ہم یورپیوں کی تقدیر خود ہمارے ہاتھوں میں ہے۔'
فرانس کے صدر نے کہا کہ یورپی یونین 'بین الاوقیانوس تعاون کے لیے تیار ہے' لیکن اس کی بنیاد 'اپنے مفادات اور اقدار' پر ہو گی۔
سابق فرانسیسی وزیرِ اعظم مینوئل والس نے کہا کہ ٹرمپ کا بیان 'یورپ کے خلاف جنگ' کے مترادف ہے۔
End of سب سے زیادہ پڑھی جانے والی
والس اس برس صدارتی انتخابات میں حصہ لینے کے خواہش مند ہیں، تاہم ان کی اپنی ہی جماعت کے کچھ ارکان ان سے آگے ہیں۔
