آخری بار 1970 ورلڈ کپ کے سیمی فائنل میں یہ دونوں ٹیمیں آمنے سامنے آئی تھیں۔

سیمی فائنل: اٹلی بمقابلہ جرمنی

سیمی فائنل: خوشی اور غم

اٹلی نے دونوں گول ایکسٹرا ٹائم کے آخری دو منٹوں میں کیے۔ پہلا گول فابیو گروسو نے کیا جس کے ایک منٹ کے اندر ہی ایکسٹرا ٹائم کے آخری منٹ میں دوسرا گول ڈیل پیئرو نے کرد یا۔

ایکسٹرا ٹائم کے آخری دو منٹوں سے قبل ایسا لگ رہا تھا کہ اس میچ کا فیصلہ پینلٹی کے ذرریعے ہی ہوسکتا ہے۔ دونوں ٹیموں نے پہلے اور دوسرے ہاف میں بھی بہترین کھیل کا مظاہرہ کیا تھا۔

پہلے ہاف میں اٹلی کے پاس بال زیادہ رہا لیکن دونوں ٹیمیں گول کرنے میں ناکام رہیں۔ دونوں ٹیموں کو پہلے اور دوسرے ہاف میں کئی مواقع ملے لیکن کامیابی کسی کو نہیں ملی۔

خصوصی ضمیمہ: ورلڈ کپ فٹ بال

اٹلی کی ٹیم کواٹر فائنل میں یوکرین کو تین صفر سے ہرا کر جبکہ جرمنی کی ٹیم ارجنٹینا کو ہرا کر سیمی فائنل میں پہنچی تھی۔

اٹلی اور جرمنی اس سے پہلے اٹھائیس مرتبہ مقابلہ کر چکے ہیں۔ جن میں سے اٹلی تیرہ بار اور جرمنی سات مرتبہ فاتح رہا ہے۔ اس کے علاوہ کسی بھی ٹورنامنٹ میں ان دونوں ٹیموں کا چھ مرتبہ آمنا سامنا ہوا جس میں اٹلی کو ابھی تک شکست کا سامنا نہیں کرنا پڑا تھا۔ ان مقابلوں میں اٹلی نے چھ میچ جیتے ہیں اور دو بغیر کسی نتیجے کے اختتام پذیر ہوئے تھے۔

اب سے پہلے چار ورلڈ کپ مقابلوں میں اٹلی دو مرتبہ فاتح رہا اور اس کے دو میچ ڈرا ہوئے۔ آخری بار 1970 ورلڈ کپ کے سیمی فائنل میں یہ دونوں ٹیمیں آمنے سامنے آئی تھیں اور یہ مقابلہ بڑے ہی ڈرامائی انداز میں اٹلی نے تین کے مقابلے میں چار گول سے جیت کر فائنل میں برازیل کا سامنا کیا تھا۔

جرمنی اور اٹلی کے درمیان جو آخری دوستانہ میچ ہوا تھا اس میں بھی اٹلی نے جرمنی کو 4-1 سے شکست دی تھی۔

جرمنی نے اب تک سولہ ورلڈ کپ مقابلوں میں شرکت کی ہے اور تین دفعہ ورلڈ کپ (1954، 1774، 1990) جیتا ہے۔ جبکہ اٹلی بھی تین مرتبہ ورلڈ کپ (1934، 1938، 1982) جیتنے کا اعزاز حاصل کر چکا ہے اور اس کے علاوہ ایک مرتبہ یورپین چیمپین (1968) بھی رہ چکا ہے۔

جرمنی کی ٹیم : لہمن، فرائیڈرچ، متزلدر، مرٹیسکر، لہم، شنیدر، بوروسکی، بالاک، سکوینتگر، پولوسکی، کلوسے

اٹلی کی ٹیم: بفان، زمبروتا، متیرازی، کینوارو، گروسو، پیروٹا، پرلو، گتوسو، توٹی، ٹونی، گلاردینو

میچ ریفری: بنیتو ارچندیا (میکسیکو)