عبدالرشید شکور بی بی سی اردو ڈاٹ کام، کراچی

	پاکستانی ہاکی ٹیم کے سابق گول کیپر محمد قاسم اپنی بچی کے ہمراہ

محمد قاسم ان دنوں کینسر میں مبتلا ہیں۔ انضمام الحق نے اس سے پہلے بھی محمد قاسم کے علاج کے لیئے دو مواقع پر ایک لاکھ اور دو لاکھ روپے دینے کا اعلان کیا تھا۔

ہفتے کو انہوں نے پریس کانفرنس کے دوران اعلان کیا کہ پاکستانی ٹیم کی طرف سے محمد قاسم کی بچی کے اخراجات کے لیئے ہرماہ دس ہزار روپے دیئے جائیں گے۔

اولمپکس اور ورلڈ کپ سمیت متعدد بین الاقوامی مقابلوں میں چھ سال پاکستان کی نمائندگی کرنے والے محمد قاسم کے سینے پر پریکٹس کے دوران گیند لگنے سے چوٹ لگی تھی جس نےگلٹی کی شکل اختیار کر لی اور بعد میں پتہ چلا کہ یہ کینسر ہے۔

محمد قاسم علاج کے لیئے امریکہ بھی گئے تھے لیکن چند روز قبل ان کی حالت بہت بگڑ چکی ہے اور ڈاکٹرز نے بھی مایوسی ظاہر کردی ہے جس کے بعد قاسم گوجرہ چلے گئے ہیں۔