سری لنکانے ایشیا کپ میں بھی عمدہ کارکردگی دکھائی(فائل فوٹو)

اُپل چندنا اور دِلشن نے بالترتیب بیس اور پچیس رن بنائے اور ناٹ آؤٹ رہے۔ سری لنکا کی طرف سے سب سے زیادہ سکور کپتان اٹاپٹو نے کیا جنہوں نے تینتالیس رن بنائے۔

سری لنکا کی اننگز کا آغاز زیادہ اچھا نہیں ہوا اور اس کے دونوں اوپنر دس سکور پر آؤٹ ہو گئےتھے اور تیسری وکٹ چون کے سکور پر گری۔ جے سوریا صرف دو رن بنا سکے جبکہ گونا وردنے نے چار رن بنائے۔

اس سے پہلے زمبابوے آئی سی سی مقابلوں میں سری لنکا کے خلاف پہلے بیٹنگ کرتے ہوئے انتالیس اوور اور ایک گیند پر ایک سواکیانوے رن بنا کر آؤٹ ہو گئی تھی۔

زمبابوے کی طرف سے ای چِگومبورا نے ستاون رن بنا کر سب زیادہ سکور کیا۔

سری لنکا نے ٹاس جیت کر زمبابوے کو پہلے کھیلنے کی دعوت دی تھی۔ سری لنکا کے تیز بالروں واس نے ایک اور زویسا اور معروف نے تین تین وکٹیں لی ہیں۔ سپِنر چندنا نے دو اور جے سوریا نے ایک کھلاڑی آؤٹ کیا۔

میچ میں تیسری وکٹ لے کر زویسا نے ایک روزہ میچوں میں اپنے کیریئر کی سو وکٹوں مکمل کر لی ہیں۔

سری لنکا کی ٹیم
ایس ٹی جیسوریا، ڈی اے گونا وردنے، مارون اٹاپٹو، کے سی سنگاکارا، مہیلا جے وردنے، ٹی ایم دِلشن، ڈبلیو ایس جے انتھا، اپل چندنا، چمندا واس، ایم ایف معروف اور این ٹی زویسا۔

زمبابوے کی ٹیم
ٹی ٹائبو، ڈی ڈی ابراہیم، بی آر ایم ٹائلر، ایس ماٹسیکینییری، ایم اے ورمیولین، وی سباندا، ای چگومبورا، ڈی ٹی ہونڈو، ٹی پانیانگرا، پی اٹسیا اور ای سی رینزفورڈ۔