لارا کی ٹیم سینتالیس پر آؤٹ۔

جمعرات کو سبینا پارک میں انگلینڈ کے خلاف پہلے ٹیسٹ میں ویسٹ انڈیز کی ٹیم محض سینتالیس سکور پر آؤٹ ہوگئی تھی۔

بورڈ نے اپنی معافی کے اعلان میں کہا ہے کہ ’ویسٹ انڈیز کی ٹیم اس افسوس ناک کارکردگی پر ویسٹ انڈیز کے عوام سے معافی مانگتی ہے۔‘

بورڈ نے یہ بھی کہا ہے کہ ان چار کھلاڑیوں کے بارے میں تحقیقات کی جائیں گی جنہیں میچ کے بعد ایک ڈسکو کلب میں دیکھا گیا تھا۔ ان چار کھلاڑیوں میں برائن لارا شامل نہیں تھے۔

ٹیم مینجر رِکی سکیرٹ کا کہنا ہے کہ وہ ان کھلاڑیوں کی بے عقلی اور بے شرمی پر بہت برہم ہیں۔

ویسٹ انڈیز جس نے انیس سو اڑسٹھ سے کبھی اپنے ملک میں کوئی سیریز نہیں ہاری اب دوسرے ٹیسٹ کے لئے اس ہفتے کے آخر میں ٹرینڈیڈ جائیں گے۔

ویسٹ انڈیز کو امید ہے کہ ان کے نئے دریافت کردہ نوجوان فاسٹ باؤلر فیڈل ایڈورڈ اپنی انجری کے بعد اب ٹیم میں واپس آجائیں گے اور برائن لارا نے پچھلے میچ میں سلپ میں کیچ ڈراپ کرکے اپنی انگلی پر جو چوٹ کھائی تھی اب اگلے میچ تک بہتر ہوجائیں گے۔