یہ صفحہ دوست کو ای میل کیجیئے		پرِنٹ کریں

آسٹریلیا اور نیوزی لینڈ کے درمیان سہ فریقی ٹورنامنٹ کے پانچویں میچ میں آسٹریلیا نے نیوزی لیننڈ کو ایک دلچسپ مقابلے کے بعد دو وکٹوں سے شکست دے دی ہے۔ یہ میچ بھارت کے شہر پونہ میں کھیلا گیا۔

نیوزی لینڈ نے پہلے بیٹنگ کرتے ہوئے اپنی اننگز میں نو کھلاڑیوں کے نقصان پر دو سو اٹھاون رنز سکور کئے تھے جبکہ آسٹریلیا نے آخری اوور کی پانچویں بال پر دو سو انسٹھ رنز بنا کر یہ میچ جیت لیا۔

لنچ کے وقفے کے بعد اب تک آسٹریلیا نے چار وکٹوں کے نقصان پر ایک سو تینتالیس رنز بنائے ہیں۔

نیوزی لینڈ کے حوصلے اپنی ٹیم میں آل راؤنڈر کرس کیرنز کی واپسی سے بلند ہوئے ہیں۔ اس سے قبل ہونے والے میچوں میں وہ ان فٹ ہونے کے باعث شرکت نہیں کرسکے تھے۔

گزشتہ بدھ نیوزی لینڈ کو شکست دینے کے بعد آسٹریلیا نے سنیچر کے روز ممبئی میں بھارتی ٹیم کو بھی ستتر رنز سے شکست دی ہے۔ چھبیس اکتوبر کو اپنے افتتاحی میچ میں بھارت ہی کے خلاف آسٹریلیا کو شکست کا سامنا کرنا پڑا تھا۔

اس سیریز میں تینوں ٹیمیں آپس میں تین تین میچ کھیلیں گی اور بہتر کارکردگی دکھانے والی دو ٹیمیں اٹھارہ نومبر کو کلکتہ میں ہونے والے فائنل کے لئے کوالیفائی کریں گی۔