52 سالوں میں پہلی انڈین خاتون جمناسٹ اولمپکس میں

دیپا کرماکر انڈیا کی پہلی خاتون جمناسٹ بن گئی ہیں جنھوں نے اولمپکس گیمز کے لیے کوالیفائی کیا ہے۔

دیپا نے 2014 میں گلاسگو کامن ویلتھ گیمز میں تمغہ جیتا تھا۔ انھوں نے اتوار کو ریو ڈی جنیرو میں ہونے والی اولمپکس کے لیے آرٹسٹک جمناسٹک کے لیے کوالیفائی کیا۔

وہ ان پانچ جمناسٹس میں سے ایک ہیں جنھوں نے جمناسٹکس میں پرودونووا کامیابی سے مکمل کیا۔ پرودانووا کو کامیابی سے مکمل کرنا جماسٹکس میں سب سے مشکل سمجھا جاتا ہے۔

دیپا کا اولمپکس کے لیے کوالیفائی کرنے کے بعد انڈیا میں سوشل میڈیا پر ان کے لیے مبارک کے پیغامات اور ان کی تعریفیں کی گئیں۔

یاد رہے کہ انڈیا میں جمناسٹکس کے لیے سرکاری فنڈ میسر نہیں ہوتے۔ دیپا خود بھی متوسط طبقے سے تعلق رکھتی ہیں۔

اس سے قبل انھوں نے بی بی سی سے بات کرتے ہوئے کہا تھا کہ جب انھوں نے پہلی بار ننگے پاؤں جمناسٹکس میں حصہ لیا اور بڑے سائز کا لباس پہنا تھا جو کسی سے مانگا تھا۔

دیپا 52 سالوں میں پہلی انڈین خاتون جمناسٹ ہیں جنہوں نے اولمپکس کے لیے کوالیفائی کیا ہے۔

انڈیا کے وزیر برائے کھیل نے بھی دیپا کو اولمپکس کے لیے کوالیفائی کرنے پر مبارکباد پیش کی ہے۔