باسکٹ بال کے معروف کھلاڑی کوبی برائنٹ ریٹائر ہوگئے

امریکہ میں باسکٹ بال کے سب سے بڑے ستاروں میں سے ایک کوبی برائنٹ دو دہائیوں پر مشتمل کریئر کے بعد ریٹائر ہو گئے ہیں۔

انھوں نےلاس اینجلس میں ’یوٹا جیز‘ کے خلاف 60 پوائنٹ سکور کر کے ایل اے لیکرز کو جتوا دیا۔

37 سالہ برائنٹ نے تمام تر کریئر لیکرز کے ساتھ کھیل کر گزارا۔ اس دوران انھوں نے پانچ این بی اے اعزاز جیتنے اور اس کھیل میں سب سے زیادہ پوائنٹ حاصل کرنے والوں میں تیسرے نمبر پر ہیں۔

البتہ نامہ نگاروں کا کہنا ہے کہ برائنٹ کو بہت سے لوگ پسند نہیں کرتے۔

سنہ 2003 میں ایک خاتون نے ان پر ریپ کا الزام لگایا لیکن انھوں نے عدالت سے باہر ان سے سمجھوتہ کر لیا۔ اس کے علاوہ ان کا کھیل غیر مستحکم رہا۔

این بی اے میں وہ سب سے کم عمر کے کھلاڑی بھی بنے۔