سری لنکا میں جاری ورلڈ ٹی ٹوئنٹی مقابلوں کے سپر ایٹ مرحلے کے میچ میں آسٹریلیا نے بھارت کو نو وکٹوں سے شکست دے دی۔
آسٹریلیا نے مقررہ ہدف پندرہوں اوور میں حاصل کر لیا۔
آسٹریلیا کی جانب سے شین واٹسن اور ڈیوڈ وارنر نے اننگز کا آغاز کیا۔
دونوں بلے بازوں نے عمدہ بیٹنگ کا مظاہرہ کیا اور پہلی وکٹ کی شراکت میں ایک سو تینتیس رنز بنائے۔
آسٹریلیا کی جانب سے شین واٹسن نے دو چوکوں اور سات چھکوں کی مدد سے بھہتر رنز بنائے۔
آسٹریلیا کے دوسرے نمایاں بلے باز ڈیوڈ وارنر رہے، انہوں نے سات چوکوں اور تین چھکوں کی مدد سے تریسٹھ رنز بنائے اور آؤٹ نہیں ہوئے۔
اس سے پہلے بھارت نے ٹاس جیت کر پہلے بیٹنگ کرتے ہوئے سات وکٹوں کے نقصان پر آسٹریلیا کو جیتنے کے لیے ایک سو اکتالیس رنز کا ہدف دیا تھا۔
بھارت کی جانب گوتھم گھمبیر اور عرفان پٹھان نے اننگز کا آغاز کیا۔
بھارت کا آغاز اچھا نہ تھا اور صرف اکیس رنز کے مجموعی سکور پر سترہ رنز بنا کر آؤٹ ہوئے۔
بھارت کی جانب سے عرفان پٹھان اکتیس اور سریش رائینہ چھبیس رنز بنا کر نمایاں بلے باز رہے۔
آسٹریلیا کی جانب سے واٹس نے تین جبکہ کیومنز نے دو کھلاڑیوں کو آؤٹ کیا۔
دونوں ٹیمیں اب تک ٹورنامنٹ میں ناقابلِ شکست ہیں۔ بھارت نے ابتدائی مرحلے میں انگلینڈ اور افغانستان کو شکست دی تھی جبکہ آسٹریلیا نے ویسٹ انڈیز اور آئرلینڈ کو ہرایا تھا۔
اس سے پہلے جمعہ کو سپر ایٹ مرحلے کے پہلے میچ میں پاکستان نے جنوبی افریقہ کو ایک سنسی خیز مقابلے کے بعد دو وکٹوں سے شکست دی۔
