سری لنکا کے دارالحکومت کولمبو میں منعقد ہونے والے آئی سی سی ایوارڈ میں سری لنکا کے بیٹسمین کمار سنگاکارا کو تین ایوارڈز ملے ہیں۔
ان کو کرکٹر آف دی ایئر، ٹیسٹ کرکٹر آف دی ایئر اور ایل جی پیپلز چوائس ایوارڈ بھی ملا ہے۔
بھارتی کھلاڑی ویرات کوہلی کو ون ڈے کرکٹر آف دی ایئر کا ایوارڈ ملا ہے۔
ٹیسٹ کرکٹر آف دی ائیر اور کرکٹر آف دی ایئر ایوارڈز کے لیے جنوبی افریقہ کے ہاشم آملا اور ویرنون فیلانڈر اور آسٹریلیا کے مائیکل کلارک دوسرے نامزد کھلاڑی تھے۔
ون ڈے کرکٹر آف دی ائیر کے اوارڈ کے لیے دوسرے نامزد کھلاڑیوں میں ہندوستان کے مہندرہ سنگ دھونی ،سری لنکا کے لاسیت ملینگا اور کمار سنگا کارا شامل تھے۔
انٹرنیشنل کرکٹ کونسل کا امپائر آف دی ایئر ایوارڈ سری لنکا کے امپائر کمار دھرماسینا نے جیت لیا ہے۔ یہ پہلا موقع ہے کہ سری لنکا کے امپائر کمار دھرماسینا نے یہ ایوارڈ جیتا ہے۔
اس ایوارڈ کے لیے نامزد امپائروں میں پانچ بار یہ ایوارڈ جیتنے والے سائمن ٹوفل، تین بار ایوارڈ جیتنے والے پاکستان کے علیم ڈار کے علاوے بلی باؤڈن، رچرڈ کیٹلبرا اور روڈنی ٹکر شامل تھے۔
ٹی ٹوئنٹی پرفارمنس آف دی ایئر کا ایوارڈ جنوبی افریقہ کے رچرڈ لیوی کو ملا۔ انہوں نے نیوزی لینڈ کے خلاف 51 گیندوں میں ایک سو سترہ رنز سکور کیے تھے۔
آئی سی سی کا سپرٹ آف دی کرکٹ ایوارڈ نیوزی لینڈ کے کپتان ڈینیئل ویٹوری کو دیا گیا۔
