جنوبی افریقہ کو انگلینڈ کے خلاف ایک سو انتالیس رنز کی برتری حاصل ہے اور دوسری اننگز میں اس کی سات وکٹیں باقی ہیں
جنوبی افریقہ نے انگلینڈ کے خلاف لارڈز ٹیسٹ میچ کے تیسرے دن کھیل کے اختتام پر دوسری اننگز میں تین وکٹوں کے نقصان پر ایک سو پینتالیس رنز بنا لیے۔
تیسرے دن کے اختتام پر ہاشم آملہ ستاون اور ڈیل سٹین بغیر کوئی رن بنائے کریز پر موجود تھے۔
جنوبی افریقہ کو انگلینڈ کے خلاف ایک سو انتالیس رنز کی برتری حاصل ہے اور دوسری اننگز میں اس کی سات وکٹیں باقی ہیں۔
پہلی اننگز کی طرح جنوبی افریقہ کی دوسری اننگز کا آغاز بھی اچھا نہ تھا اور ایک موقع پر پچاس رنز کے مجوعی سکور پر اس کے دو کھلاڑی پویلین لوٹ گئے۔
جنوبی افریقہ کے ہاشم آملہ اور کیلس نے دوسری اننگز میں تیسری وکٹ کی شراکت کے لیے اکاسی رنز بنائے۔
انگلینڈ کی جانب سے دوسری اننگز میں سٹورٹ براڈ، سوان اور فِن نے ایک ایک کھلاڑی کو آؤٹ کیا۔
اس سے پہلے انگلینڈ کی پوری ٹیم اپنی پہلی اننگز میں تین سو پندرہ رنز بنا کر آؤٹ ہو گئی تھی۔
انگلینڈ کی جانب سے پہلی اننگز میں بیر سٹو نے پچانوے اور ائین بیل نے اٹھاون رنز بنائے۔
جنوبی افریقہ کی جانب سے پہلی اننگز میں مورنی مارکل اور ڈیل سٹین نے چار چار جبکہ فلینڈ نے ایک کھلاڑی کو آؤٹ کیا۔
اس سے پہلے جنوبی افریقہ کی پوری ٹیم اپنی پہلی اننگز میں تین سو نو رنز بنا کر آؤٹ ہو گئی تھی۔
جنوبی افریقہ کی جانب سے فلینڈر اور ڈومی نے اکسٹھ رنز بنائے۔
انگلینڈ کی جانب سے سٹیفن فِن نے چار، جیمز اینڈرسن نے تین اور سوان نے دو کھلاڑیوں کو آؤٹ کیا۔
تین ٹیسٹ میچوں پر مشتمل سیریز میں جنوبی افریقہ کو ایک صفر کی برتری حاصل ہے۔
جمعرات کو شروع ہونے والے ٹیسٹ میچ میں جنوبی افریقہ نے ٹاس جیت کر بیٹنگ کرنے کا فیصلہ کیا تھا۔
