’ہینڈ آف گاڈ‘ سے ڈوپنگ تک: میراڈونا کے کریئر کی چند جھلکیاں

کم ڈیٹا استعمال کرنے کے لیے صرف تحریر پڑھیں

گذشتہ روز ارجنٹینا کے لیجنڈ فٹبالر ڈی ایگو میراڈونا دل کا دورہ پڑنے کے باعث وفات پا گئے تھے۔ انھوں نے اپنے فٹبال کیریئر میں گراؤنڈ کے اندر اور باہر مختلف وجوہات کی بنا پر شہرت کمائی اور انھیں شہ سرخیوں سے دور رکھنا ایک مشکل کام تھا۔ ہم نے ان کی زندگی کی چند اہم جھلکیوں کو اکھٹا کیا ہے۔

میراڈونا

،تصویر کا ذریعہGetty Images

،تصویر کا کیپشنارجنٹینا سے تعلق رکھنے والے لیجنڈ فٹبالر ڈی ایگو میراڈونا نے 16 سال کی عمر میں کلب آرجینٹینو جونیئرز میں شمولیت اختیار کی اور اس کے ساتھ پانچ برس تک منسلک رہے۔
میراڈونا

،تصویر کا ذریعہGetty Images

،تصویر کا کیپشن1981 میں انھوں نے ارجینٹینا کے ہی مقامی کلب بوکا جونیرز میں شمولیت اختیار کر لی۔ اس سیزن میں بوکا جونیئرز ٹائٹل بھی جیت گئے جو میراڈونا کا ارجنٹینا کی مقامی لیگ میں واحد ٹائٹل ثابت ہوا۔
میراڈونا

،تصویر کا ذریعہGetty Images

،تصویر کا کیپشنمیراڈونا نے کسی ٹیم میں شمولیت کے لیے ملنے والی رقم کا عالمی ریکارڈ دو مرتبہ توڑا، سب سے پہلے انھوں نے سنہ 1982 میں اپنے ملک کی کلب ٹیم بوکا جونیئرز کو ہسپانوی ٹیم بارسلونا کے لیے تین ملین پاؤنڈز کے عوض چھوڑ
میراڈونا

،تصویر کا ذریعہGetty Images

،تصویر کا کیپشن1986 کے ورلڈکپ مقابلے کے کوارٹر فائنل میں ایک ایسے تنازع کی نشاندہی کی گئی جس نے بعد میں ان کی زندگی کو اپنی لپیٹ میں لے لیا۔ یہ مقابلہ تھا ارجنٹینا اور انگلینڈ کے درمیان جو پہلے ہی ایک کشیدہ صورتحال اختیار کر چکا تھا کیونکہ دونوں ممالک کے مابین فاک لینڈ کی جنگ صرف چار سال پہلے ہی ہو چکی تھی۔ میچ کے 51 منٹ گزر چکے تھے اور دونوں ٹیموں کی جانب سے اب تک کوئی گول نہ ہوا تھا، اسی اثنا میں میراڈونا انگلینڈ کے گول کے قریب حریف گول کیپر پیٹر شلٹن کے ساتھ ہوا میں اچھلے اور فٹبال کو مکا مار کر گول کر دیا۔ انھوں نے بعد میں کہا تھا کہ ’یہ گول کچھ میراڈونا کے سر پر لگنے اور کچھ ’ہینڈ آف گاڈ‘ کی مدد سے ہوا تھا۔‘
میراڈونا

،تصویر کا ذریعہGetty Images

،تصویر کا کیپشنانھوں نے اٹلی میں اپنے کریئر کا بہترین فٹ بال کھیلا، مداحوں کی مدد اور حوصلہ افزائی سے انھوں نے سنہ 1987 اور 1990 میں اپنی ٹیم نپولی کو لیگ فٹبال میں پہلی مرتبہ ٹائٹل فتح دلوائی اور 1989 میں یوئیفا کپ جتوایا تھا۔
میراڈونا

،تصویر کا ذریعہGetty Images

،تصویر کا کیپشنورلڈکپ 1986 کے کوارٹر فائنل میں انھوں نے انگلینڈ کے خلاف میچ میں اپنے ہاف میں گیند کو حاصل کرتے ہوئے بائیں جانب سے متعدد کھلاڑیوں کو تیزی سے آڑھے ترچھے انداز میں ڈاج کیا اور پلک جھپکنے میں گول کیپر کا محاصرے توڑتے ہوئے ایسا دلکش گول سکور کیا جسے ’صدی کا سب سے شاندار گول‘ قرار دیا گیا۔
میراڈونا

،تصویر کا ذریعہGetty Images

،تصویر کا کیپشنمیراڈونا نے 1982 سے لے کر 1994 تک چار لگاتار ورلڈکپ میں ارجنٹینا کی نمائندگی کی اور وہ 1986 کا ورلڈکپ جیتنے والی ٹیم کے کپتان بھی تھے۔ اس ورلڈکپ میں میراڈونا نے پانچ گول اور پانچ اسسٹ کیے، آج تک ان کے علاوہ کسی ایک ورلڈکپ میں کوئی اور کھلاڑی نہیں کر سکا۔
میراڈونا

،تصویر کا ذریعہGetty Images

،تصویر کا کیپشنتین برس بعد منشیات کے استعمال کے باعث تیسری مرتبہ ڈوپ ٹیسٹ مثبت آنے کے بعد انھوں نے اپنی 37ویں سالگرہ پر فٹبال سے اپنی ریٹائرمنٹ کا اعلان کر دیا لیکن ذاتی زندگی میں مسائل اور مشکلیں جاری رہیں۔
میراڈونا

،تصویر کا ذریعہGetty Images

،تصویر کا کیپشنمیراڈونا کو سنہ 2008 میں ارجنٹائن کی قومی ٹیم کا مینیجر نامزد کیا گیا۔ ارجنٹائن ان کی سرپرستی میں سنہ ورلڈکپ 2010 کے کوارٹر فائنل تک ہی پہنچ سکی جہاں جرمنی سے چار صفر سے شکست کے بعد انھوں نے اس عہدے سے استعفیٰ دے دیا۔