’مودی لے لو، شاہ رخ لے لو، راشد خان دے دو‘
،تصویر کا ذریعہAFP
- مصنف, مرزا اے بی بیگ
- عہدہ, بی بی سی اردو، دہلی
انڈین پریمیئر لیگ کے فائنل سے قبل افغانستان کے سٹار بولر راشد خان انڈیا کی سوشل میڈیا پر چھائے ہوئے ہیں اور ان سے فائنل میں کولکتہ کے خلاف ان کی کارکردگی کو دہرانے کی امید کی جا رہی ہے۔
انھوں نے پلے آف میں کولکتہ کو اپنی بہترین آل راؤنڈ کارکردگی سے تقریباً تن تنھا شکست دے دی اور اسی لیے ان کی ہر طرف تعریف ہو رہی ہے۔
معروف کرکٹر سچن تنڈولکر نے انھیں ٹی 20 کا بہترین سپنر قرار دیا ہے تو بہت سے صارفین انھیں ہندوستانی شہریت دیے جانے کا مطالبہ کر رہے ہیں۔
اس مطالبے میں جہاں سنجیدگی ہے وہاں مذاق کا عنصر بھی نمایاں ہے۔
راشد خان کو ہندوستان کو دے دیا جائے
بہت سے صارفین نے انڈیا کی وزیر خارجہ سشما سوراج کو ٹیگ کرتے ہوئے راشد خان کے لیے ہندوستانی شہریت کی درخواست کی۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
اس کے جواب میں سشما سوراج نے جواب دیا: 'میں نے سارے ٹویٹس دیکھے۔ شہریت کا معاملہ وزارت داخلہ کے ذمے ہے۔'
جبکہ کئی صارفین نے لکھا کہ انڈیا کے وزیر اعظم نریندر مودی کے بدلے میں انھیں راشد خان دیا جائے تو بعض نے لکھا کہ بالی وڈ سٹار شاہ رخ خان کے بدلے میں راشد خان انڈیا کو دے دیا جائے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
بظاہر اس قسم کے ٹویٹ کا جواب دیتے ہوئے افغانستان کے صدر اشرف غنی نے نریندر مودی کو ٹیگ کرتے ہوئے ٹویٹ کیا: 'افغانستان کو اپنے ہیرو راشد خان پر ناز ہے۔ ہم اپنے ہندوستانی دوستوں کے بھی شکر گزار ہیں جنھوں نے ہمارے کھلاڑیوں کو اپنے ہنر کے مظاہرے کے لیے پلیٹ فارم دیا۔ راشد افغاستان کی بہترین چیز کی یاد دلاتے ہیں۔ وہ دنیائے کرکٹ کا اثاثہ ہیں۔ نہیں ہم انھیں نہیں دیں گے۔'
End of سب سے زیادہ پڑھی جانے والی
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
راشد خان نے جمعے کو کولکتہ کے خلاف کھیلے جانے والے میچ میں دس گیندوں میں 34 رنز بنائے تھے۔ چار اوورز میں 19 رنز دے کر تین اہم ترین وکٹیں حاصل کی تھیں اور پھر اچھی فیلڈنگ کے ساتھ دو اہم کیچز بھی پکڑے تھے۔
،تصویر کا ذریعہGetty Images
خیال رہے کہ راشد خان ٹی 20 کی عالمی رینکنگ میں پہلے سے ہی پہلے نمبر پر ہیں لیکن آئی پی ایل میں ان کی کارکردگی نے ان کی اہمیت میں مزید اضافہ کیا ہے۔
سچن تنڈولکر نے لکھا: 'مجھے ہمیشہ یہ محسوس ہوا کہ راشد خان اچھے سپنر ہیں لیکن اب مجھے یہ کہنے میں کوئی ہچکچاہٹ نہیں کہ وہ اس فارمیٹ میں دنیا کے بہترین سپنر ہیں۔ اس کے ساتھ ان کے پاس بیٹنگ کا بھی ہنر ہے۔ عظیم شخص۔'
جنوبی ہند کے فلم انڈسٹری کے سپر سٹار مہیش بابو نے لکھا: 'راشد خان کے سامنے سر تسلیم خم ہے۔ سنرائزر نےکیا میچ کھیلا۔ اتوار تک انتظار نہیں کر سکتا۔ پوری ٹیم کو مبارکباد۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
اس کے جواب میں راشد خان نے لکھا: 'شکریہ برادر۔ آپ کی فلمیں شوق سے دیکھتا ہوں۔'
ایک صارف ڈاکٹر گل نے لکھا: ’ایس آر ایچ: آج بھی ویسے ہی کھیل کا مظاہرہ ہوگا۔‘
راشد خان: ’ناممکن‘
ایس آر ایچ: ’کیوں؟‘
راشد خان: ’اس دن جمعہ تھا، اللہ ساتھ تھا، آج اتوار ہے۔'
انڈیا کی خاتون کرکٹر انجم چوپڑہ نے لکھا کہ 'کے کے آر اچھی پوزیشن میں تھی لیکن پھر راشد خان نے اپنے ہونے کا احساس دلا دیا۔'
