مختلف لوگوں کی آنکھوں کا رنگ مختلف کیوں؟

اس تحقیق کے ذریعے انہوں نے دریافت کیا ہے کہ چھ ارب سے زیادہ جینیات حروف پرمشتمل جینیاتی کوڈ میں سے صرف چند کی ترتیب میں معمولی تبدیلی کی وجہ سے مختلف لوگوں کی آنکھوں کے رنگ مختلف ہوتے ہیں۔

کوئنز لینڈ آسٹریلیا میں سائنس دانوں کی ایک ٹیم نے یہ تحقیق کی ہے جو جینیات سائنس کے ایک امریکی جریدے کے اگلے شمارے میں شائع کی جاے گی۔

اس تحقیق میں چار ہزار سے زیادہ لوگوں کی آنکھوں کا مشاہدہ کرنے کے بعد یہ نتائج اخذ کیے گئے ہیں۔

آنکھوں میں رنگ کا فرق واحد نیکلو ٹائڈ پولی مورپھزم یا سنپس تک ہوتا ہے اور اس کی وجہ جینیات حرفوں میں معمولی سے تبدیلی ہوتی ہے۔

سنپس جینیات کوڈ میں ایک حرف کی تبدیلی کو ظاہر کرتا ہے۔ یہ سب سنپس ایک اور جین جسے ’او سی اے ٹو‘ کہا جاتا ہے اس کے پاس پائے جاتے ہیں اور یہ جین وہ پروٹین یا لحمیات پیدا کرتا ہے جو بالوں، چہرے اور آنکھوں کو رنگ دیتی ہے۔