مچھیروں میں جسم فروشی کی وجہ سے ایڈز کے امکانات زیادہ ہیں

یونیورسٹی آف ایسٹ انجلیا کے ماہرین کا کہنا ہے کہ مچھیروں کے گاؤں اس مرض کے پوشیدہ شکار ہیں۔

مچھیروں کی برادریاں خاص طور پر اس مرض کا شکار ہو سکتی ہیں اس لیے کہ وہ ہر وقت رواں دواں رہتے ہیں، ان کے ہاں جسم فروشی عام ہوتی ہے اور خواتین کو کوئی حق حاصل نہیں ہوتا۔ برادریاں روزانہ مارکیٹوں، زمینوں اور فیکٹریوں میں آتی جاتی ہیں۔

ماہرین کا کہنا ہے کہ اس مسئلے کے حل کے لیے جو بھی اقدامات اٹھائے گئے ہیں وہ مقامی اور نچلی سطح تک محدود ہوتے ہیں۔ انہوں نے مشورہ دیا ہے کہ مچھیروں کو اس مرض سے نمٹنے اور معائنے کے لیے موبائل کلینک بنائے جائیں۔

سرکردہ ماہر ڈاکٹر ایڈورڈ ایلیسن کا کہنا ہے کہ ’ابھی تک مچھیروں کی حالت زار پر کوئی توجہ نہیں دی گئی اسی لیے صورتحال اتنی گھمبیر ہے۔‘

رپورٹ میں کہا گیا ہے کہ مچھیروں کی بستیوں میں ایڈز اس لیے بھی تیزی سے پھیلتا ہے کہ وہاں نشہ اور شراب نوشی بہت زیادہ ہوتی ہے۔

تھائی لینڈ میں پانچ میں سے ایک مچھیرہ ایچ آئی وی کے وائرس میں مبتلا ہے جبکہ عام آبادی میں اس مرض کی شرح ایک عشاریہ پانچ فی صد ہے۔

کمبوڈیا کے سہانوک ول علاقہ کے مچھیروں میں ایچ آئی وی سب سے زیادہ ہے اور ان کے ہاں جسم فروشی کے پیشے سے منسلک لوگوں میں اور بھی زیادہ ہے۔