امریکہ میں ہونے والے ایک تجربے میں جس میں ڈیڑھ ہزار لوگوں کا جائزہ لیا گیا، یہ انکشاف ہوا کہ جن لوگوں میں یہ نیا پیس میکر لگایا گیا انہیں زیادہ ہسپتال جانے کی ضرورت پیش نہیں آئی اور ان کے مرنے کا اندیشہ بھی نسبتاً کم ہے۔

برطانیہ میں ایک اندازے کے مطابق نو لاکھ افراد طویل مدت سے دل کے عرضے میں مبتلا ہیں۔

عام طور پر انسانی جسم میں دل برقی لہروں کے وجہ سے دھڑکتا ہے اور ایک صحت مند دل میں یہ لہریں ایک یکساں تال سی پیدا کرتی ہیں جس کی وجہ سے دل پورے جسم میں خون پہنچا نے کا کام کر پاتا ہے۔

تاہم کچھ مریضوں میں دل کے عارضے کے سبب کچھ پٹھے مردہ ہو جاتے ہیں جس کی وجہ سے یہ برقی لہریں دل میں اس طرح نہیں دوڑتیں جس طرح انہیں دوڑنا چاہیے۔چنانچہ دل کی دھڑکن نارمل نہیں ہوتی اور دل پوری توانائی کے ساتھ خون کو جسم کے مختلف حصوں میں نہیں پہنچا پاتا۔

نیا پیس میکر دراصل بازو میں لگایا جاتا ہے اور ایک تار کے ذریعے اس کو دل کے ساتھ جوڑا جاتا ہے۔