انہوں نے کہا ہے کہ انسانی دماغ میں وقت کا تعین کرنے کے لیے دو مختلف مرکز ہیں۔ ایک تو مقامی وقت کے مطابق عمل کرتا ہے اور دوسرا دن اور رات کے اثرات سے وقت کا تعین کرتا ہے۔

انسانی دماغ پر تحقیق کرنے والوں نے کہا ہے کہ جیٹ لیگ کے اثرات اس وقت ظاہر ہوتے ہیں جب ان دونوں مراکز میں مطابقت نہیں رہتی۔

واشنگٹن یونیورسٹی نے کہا ہے کہ اس کیفیت کو دور کرنے کے لیے دوائی بنائی جا سکتی ہے ۔

ایک اور سائنسدان نے کہا ہے کہ اگر ہم یہ معلوم کر سکیں کے دماغ کے ان دونوں مراکز میں کس طرح مطابقت قائم ہے تو ہم جیٹ لیگ کا علاج کر سکتے ہیں۔

دماغ کا ایک چھوٹا سا حصہ جسے سپرا شیمیٹک نیؤکلیس کہتے ہیں نیند اور درجہ حرارت کو کنٹرول کرتا ہے۔

یہ خیال کیا جاتا ہے کہ یہ حصہ بیرونی اثرات مثال کے طور پر طلوع آفتاب پر ردعمل کرتا ہے۔

تاہم دوسرا حصہ گھڑی کے اوقات کے مطابق عمل کرتا ہے۔