موبائل فون سے صحت کو خطرے کے بارے میں رپورٹیں مکمل نہیں

جریدے نیو سائنٹسٹ کے مطابق سویڈن کے سائنسدانوں نے فون سے نکلنے والی برقی مقناطیسی شعاعوں کے خون کے سرخ خلیوں پر اثرات کا جائزہ لیا۔ ماہرین نے خبردار کیا کہ یہ انکشاف صرف اصولی ہیں عملی نہیں اور اس بات کی کوئی شہادت نہیں کہ اس سے صحت کو کوئی خطرہ ہے۔

ایسا کہا جاتا رہا ہے کہ موبائل فون سے برین ٹیومر ہو سکتا ہے لیکن یہ تحقیق مکمل نہیں ہے۔

اگر مختلف تجربات سے یہ تصدیق ہوتی ہے تو اس کے نتائج سے یہ واضح ہو سکتا ہے ٹشو کو نقصان کیوں پہنچتا ہے۔ خلیوں کے درمیان کشش انہیں ایک دوسرے کے ساتھ اکٹھا کر دیتی ہے اور خون میں شامل خلیے سکڑ جاتے ہیں۔