اسد مرزا دہلی

دو نجی موبائل فون کمپنیوں نے اتوار صبح سے اپنے صارفین کو فری رومنگ کی سہولت دینا شروع کر دیا ہے

مسٹر شوری کے مطابق ہندوستان کی دو بڑی نجی موبائل فون کمپنیاں بھارتی اور ہچ اتوار کی صبح سے اپنے صارفین کو یہ سہولت مہیا کرنے لگیں گی جبکہ سرکاری موبائل ٹیلی فون کمپنی بی ایس این ایل کچھ تیکنیکی الجھنیں دور کرنے کے بعد یہ سہولت مہیا کر سکے گی۔

ہندوستانی وزیر مواصلات کے مطابق حکومت اپنے فیصلے پر پندرہ جون کو نظر ثانی کرے گی۔ ان کا کہنا تھا کہ یہ سہولت بھارت کے زیر انتظام کشمیر اور ملک کے شمال مشرقی علاقے کے صارفین کے لئے دستیاب نہیں ہو گی۔

مواصلات کے ماہرین کے مطابق حکومت نے ہندوستان اور پاکستان کے مابین جاری کرکٹ سیریز کے مد نظر ہندوستانی صارفین کو یہ سہولت مہیا کرنے کا فیصلہ کیا ہے کیونکہ بڑی تعداد میں پاکستان جانے والے کرکٹ شائقین کو پاکستان جا کر اپنے اہل خانہ اور دوستوں سے بات چیت کرنے کے لئے پاکستان کا موبائل فون جی ایس ایم کارڈ خریدنا پڑتا ہے جو کہ ان کے لئے دشوار ہونے کے علاوہ کافی مہنگا بھی ثابت ہو رہا ہے۔