یہ صفحہ دوست کو ای میل کیجیئے		پرِنٹ کریں

چین سب سے زیادہ متاثر ہوا ہے

وائرس نے اتنے زیادہ ای میل پیغامات جاری کیے ہیں کہ بہت سے ای میل بکس اب بھر گئے ہیں اور وہ نئے آنے والے پیغامات کو واپس بھیج رہے ہیں۔ جس کی وجہ سے مسئلہ اور گھمبیر ہو رہا ہے۔

سوبگ ونڈوز وائرس اب تک دریافت ہونے والے وائرسوں میں سب سے تیزی سے پھیلنے والا وائرس ہے۔

نیٹ کے بڑے ادارے اے او ایل نے کہا ہے کہ اس نے اب تک وائرس کی تئیس ملین کاپیاں پکڑی ہیں اور ای میل فلٹرنگ فرم میسیج لیب نے پکڑی جانے والی کاپیوں کی تعداد ساڑھے تین ملین بتائی ہے۔

انٹرنیٹ سیکورٹی کے ماہرین کا کہنا ہے کہ ایسا لگتا ہے کہ وائرس ای میل بکس کو متاثر کرتا ہے یہ وائرس سپیمرز یا بے جا اور غیر قانونی اشتہار بازوں نے پیدا کیا ہے جن کا نشانہ وہ مشینیں ہوتی ہیں جن کے ذریعے بغیر کوئی نشان چھوڑے غیر مطلوب پیغامات بھیجے جا سکتے ہیں۔

ابھی تک یہ حتمی طور پر معلوم نہیں ہو سکا کہ وائرس کیا کرے گا لیکن ماہرین کا خیال ہے کہ یہ ایک اور وائرس کے لئے جگہ بنا سکتا ہے، حساس معلومات اکٹھی کر سکتا ہے اور فائلز کو ڈیلیٹ یا ختم کر سکتا ہے۔

وائرس ای میل بکس کو متاثر کرتا ہے

اس کی وجہ وائرس سے بچنے کے لئے وہاں ناکافی پروگرام ہیں۔

گزشتہ چند دنوں میں انٹرنیٹ کے لاکھوں صارفین سوبگ کی ایف قسم کے وائرس سے متاثر ہوئے ہیں۔

ایک موقع ایسا بھی آیا جب میسیج لیب نے سترہ میں سے ہر ایک ای میل کو سوبگ ایف کے وائرس سے متاثر پایا۔

میسیج لیب کے ترجمان برائن زارنی کا کہنا ہے کہ ’یہ ایک ایسا نمبر ہے جو ہم نے پہلے کبھی نہیں دیکھا۔‘

آج تک پھیلنے والا سب سے بڑا وائرس لو بگ تھا جو سن دو ہزار دو میں بھیجی جانے والی ہر اٹھائیس ای میل میں سے ایک میں آ جاتا تھا۔

واضح رہے کہ گزشتہ تین مہینوں میں تین قسم کے وائرس کمپیوٹروں پر حملہ کر چکے ہیں۔

بہت سی کمپنیوں میں سیکورٹی کا عملہ گزشتہ کئی دنوں وائرسوں کے حملے روکنے کی کوشش کر رہا ہے جو یکے بعد دیگرے ہو رہے ہیں۔ سوبگ سے پہلے ایم ایس بلاسٹ آیا اور اس سے پہلے ویلچی۔