گوگل سب سے مہنگے بل بورڈ کا پہلا کرائے دار
،تصویر کا ذریعہGetty
دنیا کا سب سے بڑا اور سب سے مہنگا ڈیجیٹل اشتہاری بورڈ امریکی شہر نیویارک کے مشہور ٹائمز سکوائر میں نصب کیا گیا ہے۔
آٹھ منزلہ عمارت کی اونچائی والا یہ بل بورڈ ایک فٹبال کے میدان جتنا بڑا ہے اور اسے میریئٹ مارکویس ہوٹل پر نصب کیا گیا ہے۔
ٹیکنالوجی کمپنی گوگل اس بورڈ پر اشتہار چلوانے والی دنیا کی پہلی کمپنی بن گئی ہے۔
چار ہفتے کے لیے اس بورڈ پر اشتہار چلانے کا معاوضہ اندازاً 25 لاکھ ڈالر ہے۔
،تصویر کا ذریعہGetty
اطلاعات کے مطابق گوگل نے جنوری 2015 تک اس بورڈ پر اپنا اشتہار چلانے کا معاہدہ کیا ہے۔
ایک اندازے کے مطابق روزانہ تین لاکھ راہ گیر اس بورڈ کے پاس سے گزرتے ہیں۔
ٹائمز سکوائر نیویارک کا مقبول چوراہا ہے جو اپنے ان رنگ برنگے اشتہاری بورڈز کی وجہ سے عالمی شہرت رکھتا ہے۔
،تصویر کا ذریعہGetty
اس نئے بل بورڈ کو پہلی مرتبہ منگل کی شب روشن کیا گیا اور گوگل کے اشتہار چلنے تک اس پر قدرتی مناظر سے متاثر ہو کر بنائے گئے فن پارے ایک ہفتے تک دکھائے جائیں گے۔
End of سب سے زیادہ پڑھی جانے والی
بل بورڈ کے افتتاح کے موقع پر ہزاروں سیاح اور شائقین ٹائمز سکوائر میں جمع ہوئے۔
یہ ڈیجیٹل بل بورڈ کیمروں سے بھی منسلک ہے اور اس پر انٹرایکٹو مواد بھی چلایا جا سکتا ہے۔
