ٹائم میگزین کی پرسن آف دی ایئر2019: صدر ٹرمپ کا گریٹا تھنبرگ کو چِل کرنے کا مشورہ
،تصویر کا ذریعہGetty Images
ماحولیاتی تحفظ کے لیے کام کرنے والی سویڈن کی 16 سالہ طالب علم گریٹا تھنبرگ کو امریکا کے مشہور 'ٹائم میگزین' کی جانب سے سال 2019 کی شخصیت یعنی 'پرسن اف دی ایئر' قرار دے دیا۔
اس کے ساتھ ہی گریٹا تھنبرگ کو تاریخ کی سب سے کم عمر ترین ٹائمز میگزین پرسن اف دی ایئر ہونے کا بھی اعزاز حاصل ہوگیا ہے۔
جہاں تیزی سے رونما ہوتی محولیاتی تبدیلی پر فکرمند افراد نے اس کا خیر مقدم کیا وہیں امریکہ کے صدر ڈونلڈ ٹرمپ 'ٹائم میگزین' کے اس اعلان سے کچھ زیادہ خوش دکھائی نہیں دیے اور اپنی ایک ٹویٹ میں کہا کہ ’یہ مضحکہ خیز ہے! گریٹا تھنبرگ کو اپنے غصے پر قابو پانے کے مسئلہ پر کام کرنا چاہیے۔ اور پھر اسے اپنے دوستوں کے ساتھ کوئی اچھی پرانے زمانے کی فلم دیکھے۔ چِل گریٹا چِل۔‘
،تصویر کا ذریعہHuw Evans picture agency
لیکن گریٹا تھنبرگ بھی جواب دینے میں پیچھے نہیں رہیں۔ انھوں نے اپنے ٹوئٹر اکاؤنٹ پر اپنا نیا تعارف لکھا کہ ’ایک نو عمر جو اپنے غصے پر قابو پانے کے لیے کام کر رہی ہے۔ اور فی الحال چِل کر رہی ہوں اور اپنے دوستوں کے ساتھ پرانے زمانے کی فلم دیکھ رہی ہوں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
امریکی صدر ڈونلڈ ٹرمپ اور ماحولیاتی تحفظ کی کم عمر کارکن گریٹا تھونبرگ کے درمیان یہ سوشل میڈیا پر نوک جھونک پہلی بار نہیں۔
End of سب سے زیادہ پڑھی جانے والی
اس سے قبل رواں سال ستمبر میں ہونے والے اقوام متحدہ کی جنرل اسمبلی کے اجلاس کے موقع پر گریٹا تھنبرگ نے ایک جذبات سے بھرپور تقریر کی اور عالمی رہنماؤں کو بار بار یہ احساس دلایا کہ اگر ماحولیاتی تبدیلیوں کو روکنے کے لیے موثر اقدامات نہ کیے گئے اور بڑے پیمانے پر قانون سازی نہ کی گئی تو نتائج تباہ کن ثابت ہوں گے۔
اس تقریر پر رد عمل دیتے ہوئے امریکی صدر ڈونلڈ ٹرمپ نے ٹویٹ کرتے ہوئے طنزاً لکھا کہ ’یہ ایک بہت خوش لڑکی لگتی ہے جو ایک روشن اور زبردست مستقبل کی منتظر ہے۔ دیکھ کر اچھا لگا۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
صدر ڈونلڈ ٹرمپ کی اس ٹویٹ کا جواب بھی گریٹا تھنبرگ نے اپنے ٹوئٹر اکاؤنٹ پر اپنے تعارف کو تبدیل کرتے ہوئے دیا اور لکھا ’ایک بہت خوش لڑکی لگتی ہے جو ایک روشن اور زبردست مستقبل کی منتظر ہے۔‘
امریکی صدر کی تنقید کا جواب اس منفرد انداز میں دینے کو متعدد ٹوئٹر صارفین نے سراہا۔
امریکی صحافی سولم انڈریوسن کا کہنا تھا کہ نہ جانے یہ عمررسیدہ کب جانیں گے کہ وہ انٹرنیٹ اور ان بچوں کی لیگ سے بالکل باہر ہیں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
