تصاویر میں: ’کھول آنکھ زمین دیکھ فلک دیکھ فضا دیکھ‘

آسمان پر پھیلی شمالی روشنیوں سے لے کر رات کے وقت بننے والے بادلوں تک اس سال منعقد ہونے والے تصویری مقابلے میں فلکیات سے متعلق تمام موضوعات کا احاطہ کیا گیا۔ یہاں چند منتخب تصاویر پیش ہیں۔

ایک جنگ جو ہم ہار رہے ہیں

میون سٹیشن، نیشنکل ایسٹرونومیکل آبزرویٹری آف چائنا، بیجنگ میں واقع ایک چھوٹی ریڈیو ٹیلی سکوپ کے اوپر کہکشاں کو دیکھا جا سکتا ہے، اس منظر کو ہائٹونگ یو نے عکس بند کیا۔

اس تصویر میں روشنیوں اور الیکٹرومیگنیٹک شعاعوں کا ملاپ ظاہر ہو رہا ہے، جو قریبی شہروں میں واقع ریڈیو اور آپٹیکل رصدگاہوں سے واپس بھیجی جاتی ہیں۔ اس عکس کی تخلیق کے لیے ہائیٹونگ نے یو نے لائیٹ پولوشن فلٹر کا استعمال کیا اور شہر کے اوپر کہکشاں کو دکھانے کے لیے مختلف فریمز کا استعمال کیا۔

شفق کا تاج

یہ تصویر روس کے علاقے مرمنسک میں یولیا ژولیکووا نے بنائی جس میں انھوں نے صبح کی سپیدی کو درختوں کی اوٹ سے عکس بند کیا۔ درختوں کی گلابی رنگ گلی میں روشن لیمپوں سے زیادہ واضح ہے۔

نیڈلز کے اوپر ہلال

انزلی بینٹ کے ایزل آف ویٹ کے شمال میں واقع نیڈلز لائٹ ہاؤس کے اوپر آسمان میں ہلال کو عکس بند کیا۔

اگرچہ چاند بہت دبلا پتلا سا ہے لیکن زمین سے سورج کی کرنوں کے عکس کے دائرہ مکمل ہوتا دکھائی دیتا ہے۔

سورج کی جھلک

پال اینڈریو کی اس تصویر میں سورج کی سطح سے ایک ابھرا ہوا حصہ دیکھا جا سکتا ہے۔

دودھیا بارش

امریکی ریاست کیلیفورنیا میں ایسٹرن سیرس میں واقع برف سے ڈکھے پہاڑوں کی پس منظر میں روشن ستاروں کی جھلک برینڈن ہوشیزوا کی تصویر میں دکھائی دے رہے ہیں۔

خزاں کے موسم میں کہکشاں کا یہ نظارہ دلکش ہے۔

پرسکون اور پرہنگامہ

ہانگ کانگ کے جزیرے کی سب سے بلند و بالا چوٹی وکٹوریا پیک سے پریسکا لا کی بنائی ہوئی اس تصویر میں شہر کی مصروف زندگی اور پرسکون چمکتے ستاروں کا امتیاز ہے۔

جلتی ہوئی روشنیاں

ناروے کے جزیرے لوفوٹین میں کولوہلا تک ہائیکنگ کرتے ہوئے نکولس الیگزینڈر اوٹو ساحل سمندر کے اوپر چوٹیوں تک آدھی رات کے وقت پہنچے۔

اس ہائیک کے دوران انھوں نے ساحل سمندر اور آسمان پر پھیلے سبز اور جامنی رنگوں کو عکس بند کیا۔

ٹوٹتا ستارہ اور مشتری

انگلینڈ کے علاقے ڈورسیٹ میں پورٹ لینڈ میں ایک ٹوٹتے ہوئے ستارے اور چمکتے ہوئے سیارے مشتری کی تصویر روب بوویز نے عکس بند کی۔

یہ تصویر دو تصاویر کا مرکب ہے، ایک آسمان کی اور ایک چٹانوں کی۔

دن سے رات کا سفر

بین الاقوامی خلائی مرکز زمین کے پڑوسی چاند کے قریب سے گزر رہا ہے، یہ تصویر دن کی روشنی میں ڈینی کیکسیٹ نے بنائی۔

گھر کا راستہ

سویڈن میں رات کے وقت ابھرنے والے بادل ڈرامائی منظر پیش کر رہے ہیں۔ یہ بادل زمین سے بلند ترین سطح تقریباً 61 کلومیٹر کی بلندی پر ہوتے ہیں۔ یہ منظر رسلان مرزلیکوف نے عکس بند کیا۔

زمین کے قریب

31 اکتوبر سنہ 2016 کو 'نیئر ارتھ ایٹرائڈ 164121 (2003 وائی ٹی 1) زمین کے قریب سے تقریباً 30 لاکھ کلومیٹر کے فاصلے سے گزرا۔

اس کی دریافت کاٹالینا سکائی سروے نے 18 دسمبر 2013 کی تھی۔

یہ منظر ڈیرک ربسن نے آسٹروگرافی ٹول سافٹ ویئر کی مدد سے عکس بند کیا۔

تمام تصاویر بشکریہ انسائٹ آسٹرانومی فوٹو گرافر آف دی ایئر۔