ننٹینڈو: کمپیوٹر گیم ’سپر ماریو آڈیسی‘ کی اکتوبر کے اختتام تک دستیابی
،تصویر کا ذریعہNintendo
کمپیوٹر گیم بنانے والے کمپنی ننٹینڈو نے اعلان کیا ہے کہ ان کی معروف ویڈیو گیم ’سپر ماریو آڈیسی‘ 27 اکتوبر سے مارکیٹ میں دستیاب ہوگی۔
اس تاریخ کے اعلان کا مطلب ہے کہ کمپنی اپنی سب سے معروف گیم سپر ماریو کی ویڈیو گیم کھیلنے کی نئی ڈیوائس 'سوئچ' کے ہمراہ کرسمس کے شاپنگ سیزن میں ساتھ ساتھ تشہیر کر سکیں گے۔
ننٹینڈو نے یہ اعلان گیمنگ کی نمائش ای تھری ایکسپو کے آغاز میں ایک ویڈیو کے ذریعے کیا۔ کپمنی لاس اینجلس میں ہونے والے اس گیمنگ کی نمائش میں اپنی مصنوعات کا عملی مظاہرہ کرتی ہے لیکن انھوں نے وہاں کوئی پریس کانفرنس پانچ سال سے نہیں کی ہے۔
جاپان سے تعلق رکھنے والی ننٹینڈو کمپنی کا ویڈیو گیم کھیلنے کی نئی ڈیوائس 'سوئچ' مارچ میں مارکیٹ میں آئی جس کی مدد سے کمپنی کے منافعے میں خاطر خواہ اضافہ دیکھنے میں آیا ہے۔
اب تک 27 لاکھ 'سوئچ' ڈیوائس کی فروخت ہو چکی ہیں اور یہ کمپنی کی امریکہ میں سب سے تیزی سے بکنے والی مصنوعات میں سے ایک ہے۔ اس ڈیوائس کی خاص بات یہ ہے کہ اسے نہ صرف ہاتھ میں پکڑ کر کھیلا جا سکتا ہے بلکہ گھر میں بھی ویڈیو گیم کھیلنے کے لیے استعمال کیا جا سکتا ہے۔
،تصویر کا ذریعہNintendo
سپر ماریو آڈیسی کے بارے میں بات کرتے ہوئے کمپیوٹر گیم کی فروخت کے کاروبار پر نظر رکھنے والے جریدے ایم سی وی کی نیوز اڈیٹر کیتھرین بائرن نے کہا کہ ’ننٹینڈو کا سوئچ سے پہلے متعارف کی جانے والی گیمنگ ڈیوائس 'وی یو' اور اس میں پیش کی گئیں ماریو گیمز صارفین میں زیادہ مقبولیت حاصل نہیں کر سکے تھے۔ لیکن ایسا لگ رہا ہے کہ سپر ماریو آڈیسی پرانے ماریو گیمز کی طرح کی مقبولیت حاصل کر سکے گی۔‘
کمپنی نے اپنے اعلان میں یہ بھی بتایا کہ مشہور گیم پوکے مون کی بھی نئی گیم تکمیل کے مراحل سے گزر رہی ہے اور اسے بھی جلد ہی مارکیٹ میں لایا جائے گا۔
End of سب سے زیادہ پڑھی جانے والی
