چین اور پاکستان کے درمیان دو ارب ڈالر کے معاہدے
چین کے مغربی صوبے سنکیانگ کی کمپنیوں نے پاکستان کے ساتھ دو ارب ڈالر مالیت کے معاہدے کیے ہیں۔
خبر رساں ادارے روئٹرز کا کہنا ہے کہ سنکیانگ کے اعلی عہدہداروں نے تجارتی تعلقات بہتر بنانے کے لیے پاکستان کا دورہ کیا۔
یاد رہے کہ دونوں ممالک کے درمیان گذشتہ سال 46 ارب ڈالر مالیت کے چین پاکستان اقتصادی راہداری کا منصوبہ طے پایا تھا۔
چین کی کمیونسٹ پارٹی کے سیکریٹری جنرل ژانگ چوانگ کی سربراہی میں چینی کے 61 رکنی وفد نے پیر کو پاکستان کا دورہ کیا۔
وفد نے نواز شریف سے ملاقات کی اور اس کے بعد صوبہ بلوچستان کے ساحلی شہر گوادر کا دورہ کیا۔
سنکیانگ کے روزنامے کے مطابق کمیونسٹ پارٹی کے سیکریٹری جنرل نے کہا کہ اقتصادی راہداری کے علاقوں میں ماحول سازگار اور دوستانہ ہے۔
End of سب سے زیادہ پڑھی جانے والی
دونوں ملکوں کے درمیان طے پانے والے معاہدے کے تحت پاکستان میں سنکیانگ کی چینی کمپنیاں دو ارب ڈالر کی مالیت سے انفراسٹیکچر کے منصوبے، شمسی توانائی سمیت دیگر منصوبوں پر کام کریں گی۔
یاد رہے کہ چین کے مغربی سنکیانگ میں شدت پسندی کے رجحانات میں اضافہ ہوا ہے۔
چین کا کہنا ہے کہ وہ پاکستان کی سر زمین پر موجود شدت پسند عناصر سنکیانگ میں حالات خراب کروا رہے ہیں۔
چین کے صدر نے گذشتہ سال پاکستان کا دورہ کیا تھا جس میں انھوں نے کہا تھا کہ دہشت گردی کو ختم کرنے کے لیے دونوں ملکوں کو مل کر کام کرنا ہو گا۔
