دیوالی: ایودھیا میں تاحد نظر روشنی، جشن چراغاں کا ورلڈ ریکارڈ قائم کرنے کی کوشش

،تصویر کا کیپشندیوالی کو روشنی کا تہوار کہا جاتا ہے اور یہ بھگوان رام کے 14 سال کے بن واس (جنگلوں میں دربدری) اور لنکا کے راجہ راون کو شکست دینے کے بعد اپنے شہر ایودھیا واپس آنے کی خوشی میں منایا جاتا ہے۔ ایودھیا میں اس موقع پر دیپ جلانے کی تیاریاں جاری ہیں۔

،تصویر کا ذریعہGetty Images

،تصویر کا کیپشنیہ 26 اور 27 کی درمیانی شب ایودھیا میں دریائے سرجو کے کنارے چراغاں کا منظر ہے۔ اترپردیش کے وزیر اعلی آدتیہ یوگی ناتھ نے ایودھیا میں بڑے پیمانے پر دیوالی کے موقع پر چراغاں کی تیاریاں کروائی ہیں۔

،تصویر کا ذریعہGetty Images

،تصویر کا کیپشنایودھیا سے بی بی سی کے نامہ نگار فیصل محمد علی نے بتایا ہے کہ وہاں ساڑھے پانچ لاکھ دیپ (چراغ) جلانے کا اہتمام کیا جا رہا ہے جس کے بعد ایک ساتھ سب سے زیادہ دیے روشن کرنے کا ریکارڈ گنیز بک آف ورلڈ ریکارڈ میں درج کر لیا جائے گا۔

،تصویر کا ذریعہRUBAIYAT/BBC

،تصویر کا کیپشنرواں سال ایودھیا میں دیوالی کا خاص اہتمام کیا گیا ہے اور مختلف قسم کے پروگرام کو ترتیب دیا گیا ہے۔ اس میں ہیلی کاپٹر سے رام اور سیتا کے کردار کو اتارا جائے گا، پھر مٹی کے دیے روشن کیے جائیں گے۔

،تصویر کا ذریعہGetty Images

،تصویر کا کیپشناس موقع پر فیجی کی وزیر وینا بھٹناگر وہاں خصوصی مہمان کے طور پر موجود ہوں گی۔ اس سے قبل جنوبی کوریا کی کم جونگ سک کو مہمان خصوصی بنایا گیا تھا۔

،تصویر کا ذریعہRUBAIYAT/BBC

،تصویر کا کیپشنسریو ندی کے کنارے ایودھیا میں بہت سے مندر آباد ہیں۔ اور ہر جگہ چراغاں نظر آتا ہے۔

،تصویر کا ذریعہRUBAIYAT/BBC

،تصویر کا کیپشنٹمٹماتے مٹی کے دیے یہاں تاروں کے زمین پر اتر آنے کا سماں پیش کرتے ہیں

،تصویر کا ذریعہEPA

،تصویر کا کیپشنملک کے مختلف حصوں میں دیوالی کا تہوار روایتی انداز میں منایا جا رہا ہے۔ یہ بھوپال کا منظر ہے جہاں چند خواتین رنگولی کے ساتھ دیپ جلائے نظر آ رہی ہیں۔