جبکہ چیچن باغیوں نے دھماکے کی مذمت کی ہے اور اسے جرم قرار دیا ہے۔

روسی صدر نے کہا کہ انہیں کسی تصدیق کی ضرورت نہیں کیونکہ وہ جانتے ہیں کہ اس دھماکے کے پیچھے جمہوریہ چیچنیا کے باغیوں کا ہاتھ ہے۔

پولیس کا خیال ہے کہ یہ ایک خودکش حملہ تھا جس سے ٹرین کی ایک بوگی مکمل طور پر تباہ ہوگئی۔ دھماکے کی وجہ سے ایک سو بیس سے زیادہ افراد زخمی بھی ہوئے ہیں۔

ماسکو: شدید ترین حملے دسمبر 2003: خاتون خودکش بمبار نے ریڈ سکوائر کے پاس پانچ افراد ہلاک کر دیئے جولائی 2003: بم کو ناکارہ کرنے کا ایک ماہر بم پھٹنے سے ہلاک جولائی 2003: ماسکو میں موسیقی کے شو کے دوران خودکش حملے سے چودہ افراد ہلاک اکتوبر 2002: خودکش حملہ آوروں کا ماسکو تھیٹر پر قبضہ اور امدادی کارروائی میں ایک سو تیس افراد ہلاک ہوئے اگست 2000: انڈرپاس میں بم دطماکے سے گیارہ ہلاکتیں ستمبر 1999: فلیٹوں میں دو دھماکوں سے دو سو سے زائد افراد ہلاک

یہ دھماکہ ایک ریل گاڑی کی دوسری بوگی میں صبح کے وقت ہوا جب دفتر جانے والے افراد کی وجہ سے گاڑیوں میں بھیڑ زیادہ ہوتی ہے۔

اطلاعات کے مطابق دھماکہ اس وقت ہوا جب ٹرین ایک سرنگ میں داخل ہوئی جس سے سرنگ میں دھواں بھر گیا۔

ماسکو میں بی بی سی کی نامہ نگار نے بتایا ہے کہ دھماکے کے بعد لوگوں میں سراسیمگی پھیل گئی اور لوگ دھماکے کی جگہ سے دور بھاگ کر گلیوں میں جمع ہونے لگے۔