متحدہ عرب امارات میں شدید بارشوں اور طوفان سے کاروبارِ زندگی مفلوج۔ تصویری جھلکیاں
،تصویر کا کیپشنمتحدہ عرب امارات کے مختلف حصوں میں شدید بارش کی وجہ سے سڑکیں زیرِ آب آگئیں، فضائی سروس معطل کرنا پڑی اور تعلیمی اداروں میں چھٹی کا اعلان کر دیا گیا۔
،تصویر کا کیپشن آندھی وطوفان کے نتیجے میں عمان میں تین افراد ہلاک ہوگئے ہیں۔
،تصویر کا کیپشنعارضی طور پر ابوظہبی کے بین الاقوامی ہوائی اڈے پر فلائیٹ آپریشن میں روک دیا گیا تھا کچھ ایسی ہی صورتحال دبئی میں بھی نظر آئی۔
،تصویر کا کیپشنابوظہبی سے سرکاری روزنامے کے مطابق متحدہ عرب امارات میں شامل سات ریاستوں کے سکولوں کو جمعرات کے لیے بند کر دیا گیا ہے۔
،تصویر کا کیپشنابوظہبی میں شدید بارش کے آغاز کے بعد بہت سے سکولوں میں تعلیمی سرگرمیوں کو روکنا پڑا۔
،تصویر کا کیپشنابوظہبی میں خراب موسم نے سٹاک مارکیٹ میں کاروبار کو روک دیا اور اسے ایک روز کے لیے بند کرنا پڑا۔
،تصویر کا کیپشنمتحدہ عرب امارات کے محکمہ موسمیات نے پہلے ہی بدھ کو شدید بارشوں کا امکان ظاہر کیا تھا اور کہا تھا کہ ممکنہ طور پر بارشوں کا سلسلہ بدھ سے جمعرات تک جاری رہے گا۔
،تصویر کا کیپشنخبر رساں ادارے اے پی کے مطابق متحدہ عرب امارات کے کمرشل مرکز دبئی کی سڑکیں زیرِ آب آگئیں۔
،تصویر کا کیپشنروزنامہ دی ٹائمز آف عمان کے مطابق اتوار سے لے کر اب تک ملک بھر میں بارشوں اور بجلی گرنے کے باعث تین افراد ہلاک ہو چکے ہیں۔
