نصرت جہاں
بی بی سی اردو ڈاٹ کام، لندن |  |
|  کرینہ کو اپنی نئی کامیڈی فلم ’ہلچل‘ کا انتظار ہے۔ |
کرینہ کپور عرف بیبو نے ایک نئی فلم کے لئے ڈھائی کروڑ روپیے کا سودا طے کیا ہے۔کہا جا رہا ہے کہ اتنی بڑی رقم ابھی تک بھارت میں کسی ہیروئین کو نہیں دی گئی ۔ یہ نئی فلم پروڈیوسر ہیری بویجہ اپنے بیٹے ہرنام کو لانچ کرنے کےلئے بنا رہے ہیں۔ ’بیبو‘ سے جب یہ پوچھا گیا کہ انہیں کیسا محسوس ہو رہا ہے تو انہوں نے ہنستے ہوئے کہا کہ ’میرے خیال میں بس بھگوان کی کرپا ہے ‘۔ ویسے کرینہ جی اگر آپ کی فلموں کے ریکارڈ کو دیکھا جائے تو ایسا لگتا ہے کہ واقعی آپ پر خدا مہربان ہے ۔ لیکن ان بیچارے پروڈیوسروں کا کیا ہوگا جو انڈسٹری کی ’بڑی‘ ہیروئینوں کے ساتھ نئی فلمیں سائن کرنے والے ہیں۔
| ’بھگوان کی کرپا‘  کرینہ جی کی فلموں کے ریکارڈ کو دیکھا جائے تو ایسا لگتا ہے کہ واقعی ان پر خدا مہربان ہے ۔  |
خاص طور پر ایشوریہ رائے جنہوں نے لندن کے میڈم تساؤ میوزیم میں اپنا موم کا مجسمہ لگنے کے بعد پہلے ہی اپنے دام بڑھا دئے ہیں جس سے ان کی ساتھ کام کرنے کے خواہش مند پروڈیوسر پہلے ہی پریشان تھے اور اس سے بڑھ کر وویک اوبرائے کا کیا بنےگا جو پہلے ہی پروڈیسروں سے یہ کہتے پھر رہے تھے کہ کم پیسوں میں ہی سہی ’بس ایک فلم چاہئے عاشقی کے لئے‘۔بحر حال کرینہ کو اپنی فلم کامیڈی فلم’ہلچل‘ کا شدت سے انتظار ہے جو اسی ہفتے ریلیز ہو رہی ہے لیکن حال ہی میں ریلیز ہونے والی اپنی فلم اعتراض کے بارے میں ان کا کہنا ہے کہ فلم میں ان کا رول محبت کرنے والی بیوی کا تھا لیکن ساری تعریف دوسری عورت یعنی پرینکا چوپڑہ کو ملی۔ اب پرینکا کو تو پتہ نہیں کیا کیا ملتا ہے تازہ خبر یہ ہے کہ فلمساز جی پی شری کانت نے نہ صرف پرینکا بلکہ ان کے پاپا ڈاکٹر چوپڑہ اور ان کے سیکریٹری پرکاش جاجو کے خلاف عدالت سے نوٹس بھیجے ہیں۔
|  پرینکا ’اعتراض‘ میں |
جی نہیں اس مرتبہ معاملہ عشق کا نہیں کیش کا ہے بچھلی مرتبہ ان کے سیکریٹری پرکاش جاجو نے اکشے کما ر سے تھپڑ کھانے کے بعد پرینکا پر مقدمہ دائر کیا تھا اس مرتبہ فلمساز شری کانت بھّنائے ہوئے ہیں۔الزام ہے کہ چوپڑہ فیملی نے ان کے کمیشن کے ایک کروڑ روپے ہڑپ لئے۔ پرینکا نے 2001 میں شری کانت فرم میں رجسٹریشن کروایا تھا تاکہ انہیں بہتر رول مل سکیں اور ان کے پاپا جی نے پیشگی رقم بھی وصول کی تھی۔ فرم کا دعوی ہے کہ پرینکا کو فرم نے دس فلمیں دلوائیں لیکن کمیشن کے نام پر انہیں ٹھینگا دکھا دیا گیا۔ لگتا ہے اب پرینکا کو سیکریٹری کی نہیں بلکہ ایک فُل ٹائم وکیل کی ضرورت ہے ۔ شرمیلا ٹیگور کی صاحبزادی اور اس سے بھی بڑھ کر سیف علی خان کی بہن سوہاعلی خان پہلے تو ایک بینک میں کام کرتی تھیں پھر اچانک انہیں خیال آیا کہ کیوں نہ اماں اور بھائی جان کے نقش قدم پر چلتے ہوئے فلموں میں قسمت آزمائی جائے۔ پھر کیا تھا نوکری چھوڑی اور پہنچ گئیں گلیمر کی دنیا میں۔ سوہا کا کہنا ہے کہ انڈسٹری میں صرف گلیمر ہی نہیں ہے بلکہ یہاں محنت اور لگن کے ساتھ ساتھ دن رات کام بھی کرنا پڑتا ہے انہوں نے کہا کہ انڈسٹری میں آنے سے پہلے ان کی اماں اور بھائی جان نے انہیں جو ٹپس دئے تھے وہ بہت کام آئے۔ سوہا کی فلم ’یہ دل مانگے مور‘ جلدی ہی رلیز ہونے والی ہے جس میں سوہا شاہد کپور کے ساتھ نظر آئیں گی اب فلم دیکھنے کے بعد ہی پتہ چلے گا کہ اماں اور بھائی جان کے ٹپس کتنے کام آئے۔ کنگ خان یعنی شاہ رخ خان نے ہالی ووڈ کی اینیمیشن فلم the Incredibles کے ہندی version ’ہم ہیں لاجواب‘ کے لئے ڈبنگ کی ہے ۔ اینیمیٹڈ کرداروں کے لئے آواز دینا ہالی ووڈ میں تو عام بات ہے لیکن بالی ووڈ کی تاریخ میں ایسا پہلی مرتبہ ہوا ہے ۔
|  ’لاجواب‘ میں شاہ رخ کی آواز |
یہ فلم 17 دسمبر کو پورے بھارت میں ریلیز ہو رہی ہے اس موقع پر ایک پریس کانفرنس کا اہتمام بھی کیا گیا اور اس مرتبہ کنگ خان نے اپنے ساتھ کام کرنے والے دوسرے ساتھیوں کو بھی لائم لائٹ میں آنے کا موقع دیا آپ سوچ رہے ہوں گے کہ ایسا کیسے ہوا ۔ اس لئے کیونکہ فلم میں خود شاہ رخ کے بیٹے آرین خان نے فلم میں مسٹر لاجواب (شاہ رخ خان) کے بیٹے ٹیز کا رول ادا کیا ہے۔ یعنی ’بڑے میاں تو بڑے میاں چھوٹے میاں سبحان اللہ‘ ۔ | 
یہ صفحہ دوست کو ای میل کیجیئے
پرِنٹ کریں
