صلاح الدین بی بی سی اردو ڈاٹ کام، دلی

	پاکستانی پاسپورٹ جلانے کے الازام میں احتجاجیوں کو جیل بھیج دیا گیا

منگل کو پاکستانی پاسپورٹ جلانے کے الزام میں کو دلی کی تہاڑ جیل بھیج دیا گیا تھا۔

عدالت نے کہا ہے کہ وہ اس معاملے میں وزارت خارجہ، پاکستانی ہائی کمیشن اور وزارت داخلہ کی رپورٹ کا انتظار کر رہی ہے اور ان رپورٹس کی بنیاد پر ہی اس بارے میں کوئی فیصلہ کیا جائےگا۔

پچاس سے زیادہ ان افراد کا تعلق مہدی انٹرنیشنل فاؤنڈیشن نامی تنظیم سے بتایا جاتا ہے۔ ایک شخص میر لالی نےاپنے آپ کو مہدی انٹرنیشنل فاؤنڈیشن کا جنرل سکریٹری بتاتے ہوئے دعویٰ کیا کہ ’پاکستان میں ان کی تنظیم کے ارکان کو ان کے عقیدے کے سبب ہراساں کیا جاتا ہے اس لیے یہ لوگ ہندوستان میں سیاسی پناہ چاہتے ہیں‘۔

ان کا کہنا تھا ’احتجاج کے دوران جذبات میں آکر لوگوں نے اپنے پاسپورٹ یہ سمجھ کر جلا دیے ہیں کہ اب انہیں واپس نہیں جانا ہے۔ پاکستان میں ان کی زندگی کو خطرہ ہے اس لیے کوئی بھی واپس نہیں جانا چاہتا ہے‘۔

اس تنظیم کے پیروکاروں کا دعویٰ ہے کہ ان کے پیشوا ریاض گوہر شاہی ’امام مہدی‘ ہیں۔

مہدی انٹرنیشنل فاؤنڈیشن کے جنرل سکریٹری  احتجاج کے دوران جذبات میں آکر لوگوں نے اپنے پاسپورٹ یہ سمجھ کر جلا دیے ہیں کہ اب انہیں واپس نہیں جانا ہے۔ پاکستان میں ان کی زندگی کو خطرہ ہے اس لیے کوئی بھی واپس نہیں جانا چاہتا ہے۔

حال ہی میں دلی میں پاکستان کے خلاف ایک احتجاجی مظاہرے میں بہت سے لوگوں نے اپنے پاکستانی پاس پورٹس جلا دیے تھے ۔ اس معملے میں پولیس نے سات بچوں اور انیس خواتین سمیت 55 افراد کو حراست میں لیا ہے۔

ایک پولیس افسر نے اپنا نام خفیہ رکھنے کی شرط پر بتایا کہ سبھی افراد تہاڑ جیل میں قید ہیں اور اس معاملے پر کوئی بیان دینے سے گریز کرنے کی ہدایات دی گئی ہیں۔

ابھی یہ واضح نہیں ہے کہ ایک مخصوص مذہبی عقیدے کے لوگوں کو اتنی بڑی تعداد میں تقریباً ایک ساتھ ویزا کیسے جاری کیا گیا۔ اس بارے میں ہندوستان کی وزارت خارجہ اور پاکستان کے ہائی کمیشن نے خاموشی اختیار کر رکھی ہے۔