سنیل کو بنگال کا بہترین شاعر اور ناول نگار کہا جاتا ہے

مصنف سنیل گانگوپادھیا کے بارے میں ایک اخبار نے لکھا تھا کہ اس نے ہنود کی روایت کے مطابق علم کی دیوی سرسوتی کی مورتی کو اپنی خواہش کی تسکین کے لیئے بوسہ دیا تھا۔

سنیل بنگال کے مشہور شاعر اور ناول نگار ہیں جنہوں نے دو سو پچاس سے زیادہ کتابوں کی تصنیف کی ہیں۔

	ہندو سرسوتی کو علم اور فن کی دیوی قرار دیتے ہیں اور اس کی پرستش کرتے ہیں

ناول نگار کا کہنا ہے کہ انہیں خوشی ہے کہ ان کے خلاف جاری قانونی کارروائی ختم ہو گئی ہے۔

ان کے خلاف عدالتی کارروائی اس وقت شروع ہوئی تھی جب پولیس کے ایک سابق سربراہ نے دراخواست دی تھی کہ مصنف نے سرسوتی کے بوسے کی بات کر کے ان کے مذہبی جذبات مجروح کیئے ہیں۔

بھبھوتی ناندے نے جو بارڈر پولیس کے سابق سربراہ ہیں پولیس کے پاس شکایت دائر کرتے ہوئے کہا تھا کہ سنیل کی سرسوتی سے متعلق بوسے کی بات سے نہ صرف انہیں مذہبی طور پر تکلیف ہوئی ہے بلکہ اس سے خود دیوی کی بھی توہین ہوئی ہے۔

ہنود سرسوتی کی پوجا کرتے ہیں اور اس دیوی کو فنون اور علم کی دیوی کہا جاتا ہے۔

سنیل اور تنازعے، چولی دامن کا ساتھ گزشتہ برس بنگلہ دیش کی حکومت نے انڈین میگزین کے اس شمارے پر پابندی لگا دی تھی جس میں سنیل کا وہ مضمون شائع ہوا تھا جس میں انہوں نے پیغمبرِ اسلام کی جنسی زندگی کے بارے میں اپنے خیالات کا اظہار کیا تھا۔

نامہ نگاروں کا کہنا ہے کہ سنیل کو پہلی مرتبہ متنازعہ امور سے واسطہ نہیں پڑا۔ دو سال قبل کلکتہ کے ایک اخبار کے دفاتر کے باہر اس وقت مظاہرے ہوئے تھے جب سنیل نے انڈیا کے روحانی رہنما راماکرشن کی جنسی زندگی کے بارے میں لکھا تھا۔

گزشتہ برس بنگلہ دیش کی حکومت نے انڈین میگزین کے اس شمارے پر پابندی لگا دی تھی جس میں سنیل کا وہ مضمون شائع ہوا تھا جس میں انہوں نے پیغمبرِ اسلام کی جنسی زندگی کے بارے میں اپنے خیالات کا اظہار کیا تھا۔