یہ ایک مسئلہ کے عدالتی فیصلے پر عمل کیسے ہوگا

ساتھ ہی اب انڈوں کو صرف گوشت کے ساتھ فروخت کرنے کی اجازت ہوگی۔ اپنے فیصلے میں چھتیس گڑھ کی ریاستی ہائی کورٹ نے قرار دیا کہ انڈہ سبزی کی تعریف میں نہیں آتا۔

عدالت نے مقامی حکام کو ہدایت بھی کی ہے کہ وہ دو ماہ کے اندر اندر یہ انتظام یقینی بنائیں کہ انڈہ مرغیوں، مچھلی اور بکرے کے گوشت کے ساتھ ایسی مخصوص دکانوں پر ہی بیچا جاسکے جہاں سبزی نہیں بیچی جاتی۔

فیصلے کی رو سے انڈے اب عام بازاروں میں نہیں بیچے جاسکیں گے۔ تاہم یہ ابھی واضح نہیں ہے کہ عدالتی حکم پرچون کی دکانوں پر بھی لاگو ہوگا یا نہیں۔ عدالت میں انڈوں کو سبزیوں کی تعریف سے خارج کرنے کی درخواست رائے پور کے ایک وکیل منوہر جٹھانی نے دائر کی تھی۔ ان کا موقف تھا کہ چونکہ انڈوں کی زمین میں باقاعدہ کاشت نہیں ہوسکتی، لہٰذا یہ سبزیوں کی تعریف پر پورے نہیں اترتے۔

ان کا یہ بھی کہنا تھا انڈے سینے سے چوزے نکلتے ہیں اس وجہ سے بھی انہیں نباتات میں شامل نہیں کیا جاسکتا۔

مبصرین کا اندازہ ہے کہ عدالتی فیصلے کے نفاذ سے بھارت میں غریب مزدور پیشہ طبقے کو سخت مشکل پیش آئے گی کیونکہ پورے ملک میں ٹھیلوں پر بکنے والے ابلے ہوئے انڈے اور ان سے بنے اوملیٹ ان لوگوں کے لیے خوراک کا سستا ترین ذریعہ ہیں اور عدالتی فیصلے کی رو سے یہ راستہ بند ہوجائے گا کیونکہ اب انڈے اور ان سے بنا کھانا بیچنے کے لیے مقامی بلدیاتی اداروں سے خصوصی لائیسنس حاصل کرنا ہوگا۔