صلاح الدین بی بی سی اردو ڈاٹ کام، نئی دہلی

ٹرین حادثے میں زخمی ایک طالب علم

ہلاک ہونے والوں میں زیادہ تر کالج کے طلبہ ہیں۔ یہ حادثہ بھوپال سے چند کلومیٹر دور 'سوکھی سیوائیاں' نامی ریلوے اسٹیشن کے پاس پیش آیا۔

بھوپال کے کلیکٹر سنجے شکلا نے بی بی سی اردو ڈاٹ کام کو بتایا کہ صبح گیارہ بجے بھوپال سے بینا جانے والی سواری گاڑی سیوائیاں اسٹیشن سے ذرا پہلے رکی ہوئی تھی۔ اس میں سوار مسافر نیچے اترنے لگےاور بعض ریلوے لائن پار کر ہے تھے تبھی دوسری جانب سےتیزی سے آرہی چینائی لکھنؤ سپر فاسٹ ایکس پریس ٹرین انہیں روندتے ہوۓ نکل گئی۔

اطلاعات کے مطابق ڈرائیور نے ہارن بجایا لیکن افرا تفری میں کئی افراد ٹرین کی زد میں آگۓ۔ اس حادثے میں بارہ افراد تو جائے حادثہ پر ہی چل بسے۔ پولیس کے مطابق زیادہ تر متاثرین سانچی نامی ایک قصبے میں میلہ دیکھنے جارہے تھے۔ زخمیوں کو بھوپال ریلوے اسپتال میں داخل کیا گیا ہے۔

ریاستی حکومت نے مرنے والوں کو بطور معاوضہ ایک لاکھ اور زخمیوں کو پچیس ہزار روپۓ دینے کا اعلان کیا ہے۔ محکمۂ ریلوے نے بھی ہلاک شدہ افراد کے لۓ ایک لاکھ اور زخمیوں کو پندرہ ہزار روپۓ دینے کا اعلان کیا ہے۔